Þjónustuskilmálar viðskiptavina

A1. Skilgreiningar

1. Sum orð hér hafa sérstaka merkingu, sem er að finna í „Booking.com-orðabókinni“ í lok þessara skilmála.

A2. Um þessa skilmála

1. Þegar þú lýkur við bókunina samþykkir þú þessa skilmála og aðra skilmála sem gefnir eru upp í bókunarferlinu. Þessir skilmálar kveða á um samþykki á tilskildum bindandi gerðardómi, sem þýðir að þú samþykkir að senda inn flest ágreiningsmál í tengslum við vettvang okkar, notkun á þjónustu á vettvangnum eða þessi ákvæði til bindandi gerðardóms frekar en að senda málið fyrir dómstóla. Þér er heimilt að segja upp þessum samningi um gerðardóm eingöngu með því að fylgja ferlinu í hluta A20 hér að neðan. Þessir skilmálar taka einnig á hópmálsókn og niðurfellingu kviðdóms.

2. Ef eitthvað í þessum skilmálum er (eða verður) ógilt eða óframkvæmanlegt:

• verður þeim framfylgt eftir því sem lög leyfa;
• Þú verður samt bundin/n af öllu öðru í þessum skilmálum.

3. Skilmálarnir liggja svona fyrir:

• Hluti A: Almennir skilmálar fyrir allar tegundir ferðaupplifunar.

• Hlutar B til F: Sérstakir skilmálar fyrir aðeins eina tegund ferðaupplifunar:

  • Hluti B: Gistiþjónusta
  • Hluti C: Afþreying
  • Hluti D: Bílaleigur
  • Hluti E: Flug
  • Hluti F: Einka- og almenningssamgöngur
• Ef ósamræmi er á milli almennra og sértækra skilmála, eiga sértæku skilmálarnir við.

4. Enska útgáfan af þessum skilmálum er sú upprunalega. Ef ágreiningur verður um skilmálana eða misræmi á milli skilmála á ensku og á öðru tungumáli skulu skilmálarnir, eins og þeir birtast á ensku, vera í gildi, nema gildandi lög krefjist annars. (Þú getur skipt um tungumál efst á síðunni.)

A3. Um Booking.com

1. Þegar bókuð er gisting, flug eða afþreying útvegar Booking.com B.V. vettvanginn og ber ábyrgð á honum – en ekki ferðaupplifuninni sjálfri (sjá hluta A4.4).

2. Þegar þú bókar bílaleigubíl (á Booking.com eða Rentalcars.com) eða einka- eða almenningssamgöngur veitir Booking.com Transport Limited vettvanginn og ber ábyrgð á vettvanginum – en ekki ferðaupplifuninni sjálfri (hluti A4.3).

3. Við störfum með fyrirtækjum sem veita staðbundna aðstoð (t.d. viðskiptaþjónustu eða umsjón notendasvæði). Þau munu ekki:

• stýra eða sjá um vettvanginn
• vera með eigin vettvang
• vera í laga- eða samningssambandi við þig
• veita ferðaupplifun
• koma fram fyrir okkar hönd eða ganga inn í samninga eða taka við lagalegum skjölum í okkar nafni
• starfa sem „vinnslu- eða þjónustufulltrúar“.

4. Þegar Rentalcars.com er notað til að bóka bílaleigu gilda greinar A13 og A14 ekki.

A4. Vettvangur okkar

1. Vettvangurinn er settur fram af vandvirkni, en við getum ekki tryggt að allt á honum sé rétt (við fáum upplýsingar frá þjónustuaðilum). Eftir því sem lög leyfa er ekki hægt að gera okkur ábyrg fyrir hvers kyns villum, rofi á starfsemi eða upplýsingum sem vantar - þó að við gerum allt sem í okkar valdi stendur til að leiðrétta/laga slíkt eins fljótt við getum.

2. Vettvangur okkar er ekki ráðlegging um eða stuðningur við þjónustuaðila eða vörur hans, þjónustu, aðstöðu, ökutæki o.s.frv.

3. Við erum ekki aðili að skilmálunum á milli þín og þjónustuaðila. Þjónustuaðilinn er eingöngu ábyrgur fyrir ferðaupplifuninni.

4. Við bókun getur verið að þú þurfir að stofna svæði. Gakktu úr skugga um að allar upplýsingar (þ.m.t. greiðslu- og tengiliðsupplýsingar) séu réttar og nýjar ella kæmist þú ekki í ferðaupplifun/-upplifanir þína(r). Þú berð ábyrgð á öllu sem gerist á svæðinu þínu, þannig að þú skalt ekki láta neinn annan nota það og haltu notandanafni og lykilorði leyndu.

5. Við sýnum þér hvað stendur þér til boða, (það sem við teljum að sé) á réttu tungumáli fyrir þig. Þú getur breytt í annað tungumál hvenær sem þig lystir.

6. Þú þarft að vera a.m.k. 18 ára til að nota vettvanginn nema annað sé tekið fram.

A5. Gildi okkar

1. Þú skalt:

• uppfylla gildi okkar
• fylgja gildandi lögum
• hjálpa til við hvers kyns kannanir sem við þurfum að framkvæma um varnir gegn svikum eða peningaþvætti
• ekki nota vettvanginn til að valda ama eða falsa bókanir
• nota ferðaupplifunina og/eða vettvanginn til þess sem þau eru ætluð
• ekki valda óþægindum eða skemmdum og hegðaðu þér ekki ósæmilega gagnvart starfsfólki þjónustuaðilans (eða nokkrum öðrum yfir höfuð).

A6. Reynsla þín af vettvangi okkar

1. Við getum, byggt á samskiptum þínum við vettvanginn okkar og sérstillingar þínar (sem þú getur nálgast í svæðisstillingum þínum undir hlutanum „Sérsniðnar stillingar“), virkjað eiginleika sem ætlað er að gera upplifun þína þægilega og bjóða þér sérsniðna þjónustu (þar á meðal sérsniðin markaðsskilaboð) til að bæta upplifun þína og auðvelda þér bókun á fullkomnu ferðaupplifuninni þinni.

2. Við erum sífellt að leita leiða til að bæta upplifun viðskiptavina af Booking.com. Í þeim tilgangi sýnum við fólki stundum ólíka útfærslu, orðfæri, vörur o.s.frv. til að sjá hvernig það bregst við. Þar af leiðandi er mögulegt að þú finnir ekki sumar gerðir þjónustu eða útlit þegar þú heimsækir vettvang okkar.

A7. Verð

1. Þegar þú bókar samþykkir þú að greiða kostnað af ferðaupplifuninni sjálfri ásamt hvers kyns gjöldum og sköttum sem kunna að eiga við.

2. Sum verðin kunna að hafa verið námunduð í næstu heilu tölu. Verðið sem þú greiðir byggist á upprunalega „ónámundaða“ verðinu (þótt raunverulegur munur verði örlítill í öllu falli).

3. Augljósar villur og augljósar prentvillur eru ekki bindandi. Dæmi: Ef þú bókar gæða-bíl eða nótt í lúxussvítu sem voru fyrir mistök boðin á 1 evru má vera að bókunin verði afturkölluð og við endurgreiðum það sem þú greiddir. Við fjarlægjum augljósar verðvillur um leið og við vitum af þeim.

4. Yfirstrikað verð gefur til kynna verð á sambærilegri bókun án verðlækkunar sem beitt er („sambærileg“ táknar sömu dagsetningar, sömu skilmálar, sömu gæði gististaðar/ökutækis/ferðaflokks o.s.frv.).

A8. Greiðsla

1. Fyrir sumar gerðir vöru/þjónustu þarf þjónustuaðilinn að fá fyrir fram greiðslu og/eða greiðslu á meðan á ferðaupplifun stendur.

• Ef við sjáum um greiðslu þína verðum við (eða í sumum tilvikum hlutdeildarfélag) ábyrg fyrir að sjá um greiðslu þína og tryggja að gengið sé frá viðskiptum þínum við þjónustuaðilann. Í þessu tilviki er greiðslan lokauppgjör á því verði sem er „til greiðslu og gjaldfallið“.
• Ef þjónustuaðilinn tekur greiðslu af þér er það venjulega í eigin persónu í byrjun ferðaupplifunar þinnar, en gæti líka verið t.d. að tekið er af kreditkorti þínu þegar þú bókar eða þú greiðir við útritun á gististaðnum. Þetta fer eftir skilmálum þjónustuaðilans um fyrir fram greiðslu sem komið var til þín í bókunarferlinu.

2. Ef þjónustuaðilinn þarf að fá greitt fyrirfram kann greiðslan að verða tekin eða heimiluð fyrir fram þegar þú bókar og er hugsanlega óendurgreiðanleg. Áður en þú bókar skaltu kanna skilmála þjónustuaðila um fyrir fram greiðslu (tiltækir á meðan bókun stendur yfir), sem við höfum ekki áhrif á og berum enga ábyrgð á.

3. Ef þú veist um eða hefur grun um svik eða óheimila notkun greiðslumáta þíns skaltu hafa samband við greiðsluþjónustuaðilann þinn eins fljótt og hægt er.

4. Ef gjaldmiðillinn sem notaður er á vettvanginum er ekki sá sami og þjónustuaðilans getur verið að við:

• sýnum verðin í okkar eigin gjaldmiðli
• gefum þér kost á að greiða í eigin gjaldmiðli.

Þú getur séð gengið í lokaskrefi bókunarinnar, í bókunarupplýsingum á svæðinu þínu, eða, ef þú ert ekki með svæði, tölvupósti sem við sendum þér. Ef við tökum af þér gjöld í tengslum við slíka þjónustu má sjá gjaldið sett fram sem prósentuálag á gjaldskrá Seðlabanka Evrópu. Sá sem gefur út kortið þitt kann að taka þóknun fyrir erlenda yfirfærslu.

5. Við vistum greiðslumátaupplýsingar þínar vegna millifærslna í framtíðinni að fengnu samþykki frá þér.

A9. Skilmálar

1. Við bókun samþykkir þú viðkomandi skilmála eins og þeir birtast í bókunarferlinu. Þar er að finna afpöntunarskilmála þjónustuaðila og aðra skilmála (um aldurstakmörk, öryggis- eða tjónatryggingu, viðbót vegna bókunar hópa, aukarúm, morgunverð, gæludýr, samþykkt greiðslukort o.s.frv.) á vettvangi okkar: á upplýsingasíðum þjónustuaðilans, í bókunarferlinu, í smáa letrinu og í staðfestingartölvupósti eða miða (ef við á).

2. Ef þú afpantar eða mætir ekki fer hvers kyns gjald vegna afpöntunar/ef gestur mætir ekki og endurgreiðsla eftir skilmálum þjónustuaðila um afpöntun og þegar gestur mætir ekki.

3. Sumar bókanir er ekki hægt að afpanta ókeypis, en annað er aðeins hægt að afpanta ókeypis fyrir tiltekin tímamörk.

4. Ef bókuð er ferðaupplifun með fyrir fram greiðslu (ásamt öllum verðþáttum og/eða tjónatryggingu ef við á), getur þjónustuaðili afpantað bókunina án fyrirvara ef ekki er hægt að innheimta inneign á tilteknum degi. Ef hann afpantar verður hvers kyns óafturkræf greiðsla frá þér aðeins endurgreidd að hans eigin vild. Þú berð ábyrgð á að tryggja að greiðsla berist tímanlega (að upplýsingar um banka, debetkort eða kreditkort séu réttar og nægir fjármunir séu á reikningnum þínum).

5. Ef þú telur að þú náir ekki tímanlega skaltu hafa samband við þjónustuaðilann og segja honum hvenær megi búast við þér. Það er á þína ábyrgð að gæta stundvísi og ef þú gerir það ekki berum við ekki ábyrgð á tengdum kostnaði (t.d. fyrir afpöntun bókunarinnar eða gjöld sem þjónustuaðilinn kann að innheimta).

6. Sá sem bókar er ábyrgur fyrir aðgerðum og háttalagi (í tengslum við ferðaupplifun) allra í hópnum. Þú berð líka ábyrgð á að fá leyfi hópsins áður en þú afhendir okkur persónuupplýsingar þeirra.

A10. Persónuvernd og fótspor

1. Ef þú bókar ferðaupplifun skaltu skoða Persónuverndaryfirlýsingu og fótsporsyfirlýsingu okkar til að fá frekari upplýsingar um persónuvernd, fótspor, hvernig við gætum haft samband við þig og hvernig við vinnum úr persónuupplýsingum.

A11. Aðgengisbeiðnir

1. Ef þú þarft sérstakt aðgengi:

• á vettvangi okkar og/eða í þjónustu okkar skaltu hafa samband við þjónustuver okkar
• varðandi ferðaupplifun (hjólastólaaðgengi, inngengisbaðker, o.s.frv.) skal hafa samband við þjónustuaðilann þinn eða flugstöðina, lestarstöðina, o.s.frv.

A12. Trygging

1. Ef þú hefur keypt þér tryggingu gegnum vettvang okkar skaltu skoða tryggingarskírteini(n) til að sjá skilmála og fá frekari upplýsingar. Þessir skilmálar gilda ekki um tryggingar.

A13. Genius

1. Genius-verðið er afsláttarverð sem þjónustuaðilar bjóða eða sem Booking.com fjármagnar fyrir ákveðnar vörur/þjónustu.

2. Genius-verð eru fyrir meðlimi í Genius-prógrammi Booking.com. Það eru engin félagsgjöld og það er auðvelt að verða meðlimur – það þarf bara að búa til svæði. Aðild og verð eru ekki framseljanleg. Aðild er tengd tilteknu svæði. Aðild má einnig tengja tilteknum herferðum eða hvataumbun.

3. Það eru mismunandi „Genius-stig“ sem byggjast á fjölda bókana sem lokið er við og gerðar eru innan tiltekins tímabils fyrir hvaða þjónustuflokk sem prógrammið býður upp á. Hvert stig veitir mismunandi ferðaumbun. Til að ná stigi 2 verður notandinn að ljúka 5 bókunum innan 2 ára. Til að ná stigi 3 verður notandinn að ljúka 15 bókunum innan 2 ára.

4. Eftirfarandi tegundir bókana sem gerðar eru í gegnum Booking.com eru útilokaðar frá Genius-prógramminu: Skemmtisiglingar, tryggingar, almenningssamgöngur og ókeypis valkostir. Aukakaup eins og uppfærslur á herbergjum fyrir dvöl, barnabílstólar fyrir bílaleigubíla og aukafarangur fyrir flug hafa ekki Genius-afslátt í för með sér.

5. Við breytum mögulega öllum eiginleikum Genius-prógrammsins, þar á meðal aðildarstigum, gjaldgengum bókunartegundum fyrir framvindu og hvernig prógrammið er byggt upp.

6. Við rannsökum hugsanleg tilvik um svik, misnotkun eða misbeitingu til að tryggja sanngjarnt og öruggt prógramm. Þetta getur leitt til þess að aðild verði rift og áunnin umbun tapast.

7. Frekari upplýsingar er að finna á https://www.booking.com/genius.html.

A14. Umbun, ferðainneign og veski

1. Við gætum umbunað þér – þegar okkur sýnist svo og sem fer eftir (a) skilmálum hér í A14 og (b) hvers kyns skilmálum hverrar umbunar fyrir sig sem eiga við. Ef við misritum (i) við útreikninga á umbun eða (ii) við að umreikna gjaldmiðla sem tengjast umbun þinni getum við alltaf breytt eða leiðrétt birta inneign.

2. Svona færðu umbun: Þú getur til dæmis aflað þér og fengið umbun með því að bóka og ljúka við dvöl á gististað þjónustuaðila sem taka þátt eða með því að framkvæma tiltekinn fjölda gjaldgengra bókana á tilteknu tímabili. Athugaðu að magn/gæði umbunar fer eftir hverri kynningarherferð. Við munum gefa frekari upplýsingar um öflun/notkun á umbun þegar hún verður tiltæk til að afla og/eða nota.

3. Hvar finna má umbun þína: Ef og þegar þú færð umbun geturðu haft umsjón með henni og nýtt hana úr veskinu sem er búið til sjálfkrafa þegar þú stofnar sannreynt svæði. Þú getur fundið veskið í svæðisvalmyndinni og þú verður að skrá þig inn á reikninginn þinn til að fá aðgang að því. Ef þú þarft að gera eitthvað til að fá umbun munum við segja þér hvernig (í gegnum tilkynningar á svæðinu, push-tilkynningar og/eða tölvupósta). Þegar þú ert með umbun í veskinu munum við birta skilmála og skilyrði varðandi notkun hennar.

4. Gerðir umbunar: Þótt við veitum eingöngu (a) inneignir og (b) inneignarseðla inn á veskið getur það líka hjálpað þér að fylgjast með vinnslu á (c) annars konar umbun (t.d. endurgreiðslu í peningum inn á kreditkort) frá okkur. Við munum segja þér það sem þú þarft að vita um hverja umbun fyrir sig á viðeigandi tíma.

5. Hvernig á að fá ferðainneign: Inneign er yfirleitt gefin eftir að þú hefur fengið umbun, en við getum gefið inneign af öðrum ástæðum.

6. Hvar finna má ferðainneign þína: Umbun er alltaf geymd í veskinu þar til búið er að nota hana. Inneign í veskinu sýnir alltaf hversu mikið er geymt og hægt að nota í gjaldgengar bókanir. Einnig er hægt að sjá ítarlegar upplýsingar, t.d. hvenær þú vannst þér inn umbunina, hvenær hún var gefin og hvenær hún rennur út. Ef þú átt rétt á peningainneign geturðu einnig fengið að vita hvernig á að millifæra hana á kreditkort eða debetkort (af ákveðnum tegundum).

7. Tegundir inneignar: Hver tegund umbunar er með eigin skilmála um eyðslu og/eða notkun. Yfirleitt er eingöngu hægt að nota umbun í ferðaupplifun sem tekur við greiðslum úr veskinu. Hægt er að nota ferðainneign í ólíkar bókanir, en inneignarseðla er eingöngu hægt að nota í tilteknar bókanir sem eru taldar upp í skilmálum og skilyrðum hvers inneignarseðils. Einnig er hægt að eyða peningainneignum eins og ferðainneignum eða millifæra þær yfir á kreditkort eða debetkort (af ákveðnum tegundum).

Við áskiljum okkur rétt til að endurskoða öll svæði í prógramminu „Umbun og veski“ hvenær sem er og án þess að tilkynna meðliminum það til að tryggja að skilmálum prógrammsins „Umbun og veski“ sé fylgt eða rannsaka (ætluð) svik eða misnotkun.

Umbun: þátttökuskilyrði

8. Til að geta fengið umbun frá okkur verður þú að uppfylla eftirfarandi skilyrði við staðfestingu og notkun hennar:

• vera með staðfestan reikning hjá okkur
• vera a.m.k. 18 ára að aldri
• uppfylla skilmála hverrar umbunar fyrir sig
• brjóta ekki umbunar- og veskisskilmálana, og
• vera með gilt kreditkort, ef þú þarft að geta fengið endurgreiðslu í peningum af kreditkorti.

9. Þegar hægt er að fá umbun munu skilmálar hverrar umbunar fyrir sig skýra hvernig (og hvort) þú uppfyllir skilyrðin. Þessi skilyrði geta verið með, án takmarkana:

• tímasettar takmarkanir (t.d. tilboð sem gilda í ákveðinn tíma)
• takmarkanir á vettvangi (t.d. kynningarkóðar sem aðeins má nota í okkar appi)
• Takmarkanir á gistiþjónustu (t.d. tilboð sem aðeins má nota með tilteknum þjónustuaðilum)
• lágmarksupphæð (t.d. umbun sem fæst aðeins ef eytt er a.m.k. tiltekinni upphæð í bókun), og
• hámarksvirði umbunar (bæði fyrir peninga- og ekki peningaumbun).

10. Umbun er ekki hægt að selja, ráðstafa eða millifæra á nokkurn hátt til þriðja aðila. Ef eigandi reikningsins fellur frá verður svæði hans lokað og allri umbun sem er væntanleg eða fáanleg til notkunar í veskinu verður eytt.

Umbun: Inneignir og inneignarseðlar

11. Þú getur eytt ferðainneign og/eða peningainneign af hvaða upphæð sem er til að greiða upp í kostnað af gjaldgengri bókun á vettvöngum sem taka þátt (t.d. www.booking.com eða vefsíðu systurfyrirtækis). Hins vegar má eingöngu nota einn inneignarseðil fyrir hverja bókun og ef þú ert með marga inneignarseðla í veskinu er ekki hægt að leggja saman virði þeirra til að nota í bókun.

12. Ef bókunin kostar minna en það sem þú átt í umbun verður eftirstandandi umbun áfram tiltæk til notkunar í veskinu nema annað sé tekið fram í skilmálum og skilyrðum hverrar umbunar.

13. Ef ferðaupplifunin kostar meira en það sem þú átt í umbun verður þú að greiða eftirstandandi upphæðina með því að nota annan greiðslumáta. Ef það er ekki gert á réttum tíma getur það leitt til þess að bókunin verði afpöntuð og umbuninni verður skilað aftur í veskið með upprunalegum skilmálum og skilyrðum umbunarinnar, þar á meðal gildistíma.

14. Þú getur notað bæði ferðainneignir og inneignarseðla á sama tíma í hvaða gjaldgengum bókunum sem er. Við gerum okkar besta til að finna sem mestan sparnað fyrir þig en það er á þína ábyrgð að stjórna því hvernig umbunin er notuð. Ef þú ert með fleiri en eina umbun af einni tegund verður umbunin með stysta gildistímann eftir valin sjálfgefið til notkunar þegar greiðsla er staðfest. Þótt þú megir ekki nota inneignir með lengri gildistíma til að nota fyrst er þér frjálst að velja hvaða inneignarseðil þú vilt nota fyrst.

15. Ef þú afpantar ferðaupplifun sem þú hefur þegar greitt fyrir (að hluta eða að fullu) með umbun skera afpöntunarskilmálar þjónustuaðila úr um hvort peningar þínir og/eða umbun verði endurgreidd. Teymið í þjónustuveri okkar getur endurgreitt hvers kyns umbun sem þú kannt að eiga rétt á.

16. Þú getur millifært peningainneign (en ekki ferðainneign) á kreditkort eða debetkort af ákveðnum tegundum.

17. Gjaldeyrir í Booking.com-veski þínu ákvarðast af staðsetningu, heimilisfesti eða öðrum gjaldmiðli sem við kunnum að velja. Ef þú færð einhverja umbun í öðrum gjaldmiðli getum við skipt henni í sjálfvalinn gjaldmiðil veskisins eða annan gjaldmiðil að okkar vali með því að nota okkar gjaldmiðilsgengi.

18. Ef umbun var gefin út af því að þú bókaðir ferðaupplifun mun tengdri ónotaðri umbun verða eytt úr veskinu þínu ef hætt var við þá ferðaupplifun.

19. Við áskiljum okkur rétt til að ógilda án fyrirvara hvers kyns umbun sem fékkst með sviksamlegum hætti eða misnotkun.

20. Ef þú telur þig ekki hafa fengið umbun sem þér bar skaltu hafa samband við þjónustuver ekki síðar en ári eftir að þú gerðir það sem þú telur að þú hafir gert til að vinna þér inn umbunina. Leggðu fram hvers kyns fylgiskjöl sem þú hefur undir höndum. Ef þú gerir það ekki innan 12 mánaða uppfyllirðu sjálfkrafa ekki skilyrði fyrir umbunina og getur ekki gert tilkall til hennar.

21. Gildi allra ferðainneigna má finna í umbunar- og veskisvirkni í veskinu þínu. Ef þú átt umbun sem rennur fljótlega út getum við valið að láta þig vita í tölvupóstum og push-tilkynningum.

Fyrir sumar gerðir vöru/þjónustu þarf þjónustuaðilinn að fá fyrir fram greiðslu og/eða greiðslu á meðan á ferðaupplifun stendur. Athugaðu að ef greitt er með veski (t.d. þegar þú velur að borga síðar fyrir bókun á gististað) skuldfærum við á veskið fyrir valda umbun þegar bókunin er staðfest – þannig að umbunin verður notuð strax – en eftirstandandi upphæð verður skuldfærð samkvæmt greiðslureglum bókunarinnar.

Veski

22. Öll gögn, þ.m.t. persónuupplýsingar verða unnar í samræmi við persónuverndaryfirlýsingu okkar og gildandi lög og reglugerðir. Þeim verður miðlað til samstæðufyrirtækja eða þjónustuaðila eftir þörfum samkvæmt prógramminu „veski“. Töpuð, stolin eða útrunnin umbun verður ekki bætt.

23. Skyldur þínar:

• Þú berð ábyrgð á að tryggja að allar upplýsingar séu (og verði) réttar, fullnægjandi og nýjar
• Ef við biðjum þig að sanna auðkenni skaltu gera það innan 30 daga
• Þú berð ábyrgð á að varðveita innskráningarupplýsingar þínar að svæðinu tryggilega til að gæta öryggis veskisins.

24. Ef ekki er farið eftir reglunum í þessum kafla er mögulegt að við lokum veskinu þínu eða ógildum það sjálfkrafa.

25. Ekki má nota veskið eða umbun á nokkurn þann hátt sem er villandi, ósanngjarn, skaðlegur eða ólöglegur.

26. Við kunnum að skuldajafna/ganga frá hvers kyns eða allri umbun upp í kröfur sem við (eða eitt systrafyrirtækja okkar) eigum gagnvart þér. Við kunnum að gera þetta hvenær sem er og án fyrirvara.

27. Við kunnum að breyta, stöðva eða binda enda á alla þætti veskis eða umbunarkerfa. Sérstaklega gætum við breytt:

• þessum skilmálum um umbun og veski
• þátttökuskilyrðum
• hvaða umbun við veitum

28. Við munum gera okkar besta til að láta þig vita fyrirfram ef við gerum einhverjar breytingar eða stöðvum þjónustu veskisins alveg.

29. Ef við hættum að veita þjónustu veskis gildir hvers kyns umbun sem ekki er útrunnin í 12 mánuði í viðbót.

A15. Hugverkaréttur

1. Öll réttindi á vettvanginum okkar (tækni, efni, vörumerki, útlit og tilfinning, o.s.frv.) skulu vera í eigu Booking.com (eða leyfishafa) nema annað sé tekið fram, og með því að nota vettvanginn okkar fellstu á að gera það eingöngu eins og ætlast er til og virða skilyrði sem sett eru fram hér fyrir neðan í greinum A15.2 og A15.3.

2. Hvort sem það er í viðskiptalegum tilgangi eða ekki er þér ekki heimilt að fá aðgang að, fylgjast með, afrita, skrapa/vefskríða, hlaða niður, endurskapa eða nota á annan hátt neitt á vettvangnum okkar með því að nota vélmenni, vefskriðil, amavefsetur, aðrar sjálfvirkar aðferðir eða sjálfvirka aðstoð (þar með talið, en takmarkast ekki við, þá sem virka með því að hafa samskipti við eða nota vafrann þinn á annan hátt, svo sem gervigreindarstudda aðstoð) í neinum tilgangi án þess að hafa fengið skriflegt leyfi frá Booking.com fyrirfram. Til að taka af allan vafa heimilar Booking.com ekki notkun sjálfvirkra aðferða eða sjálfvirkrar aðstoðar (þar með talið, en ekki takmarkað við, þá sem virka með því að hafa samskipti við eða nota vafrann þinn á annan hátt, svo sem gervigreindarstudda aðstoð) til að gera bókanir eða bóka með því að nota neitt á vettvangi okkar án þess að hafa fengið skriflegt leyfi frá Booking.com fyrirfram.

3. Við höfum gott auga með öllum heimsóknum á vettvanginn okkar og stöðvum hvern þann (og öll sjálfvirk kerfi) sem við grunum um:

• að framkvæma óeðlilegt magn af leitum
• að nota eitthvert tæki eða hugbúnað til að safna verðupplýsingum eða öðrum upplýsingum
• að gera nokkuð sem veldur óviðeigandi álagi á vettvanginn okkar.
• að nota sjálfvirka aðstoð (þar á meðal gervigreindarstudda aðstoð) til að fá aðgang að kerfinu án sérstaks leyfis.

4. Með því að hlaða upp forskoðun/mynd á vettvang okkar staðfestir þú að hún uppfyllir efnisstaðla okkar og -leiðbeiningar og að:

• hún sé sönn (þú hafir ekki breytt myndinni til dæmis, eða hlaðið upp mynd af öðrum gististað)
• hún innihaldi ekki neina vírusa
• þér leyfist að miðla henni til okkar
• við megum nota hana á vettvanginum okkar og í tengslum við frekari viðskiptalegan tilgang (þ.m.t. í auglýsingum), alls staðar, til frambúðar (þegar þú lætur okkur vita að við getum ekki lengur notað hana munum við virða hvers kyns eðlilega beiðni)
• hún gangi ekki á persónuréttindi annars fólks
• þú berð fulla ábyrgð á sérhverri lagakröfu gegn Booking.com sem henni tengist.

5. Svo að það sé skýrt: við berum hvorki ábyrgð á né erum bótaskyld fyrir neins konar myndefni sem hlaðið er upp á vettvanginn okkar. Okkur leyfist að fjarlægja hvaða mynd sem er að vild (til dæmis ef við uppgötvum að myndin standist ekki ofannefnd skilyrði).

A16. Hvað ef eitthvað fer úrskeiðis?

1. Ef þú ert með fyrirspurn eða kvörtun skaltu hafa samband við þjónustuver okkar. Þú getur gert það með því að opna bókunina þína eða í gegnum appið okkar eða í gegnum þjónustuver okkar þar sem þú finnur einnig nokkrar gagnlegar algengar spurningar. Þú getur hjálpað okkur að hjálpa þér sem fyrst með því að láta í té, eftir föngum:

• staðfestingarnúmer bókunar þinnar, tengiliðsupplýsingar þínar, PIN-númer bókunarinnar og netfangið sem þú notaðir þegar þú bókaðir (ef þú ert með slíkt)
• yfirlit yfir málið, þar á meðal hvernig þú vilt að við hjálpum þér
• öll fylgiskjöl (bankayfirlit, myndir, kvittanir o.s.frv.)

2. Allar fyrirspurnir og kvartanir eru skráðar, en þær brýnustu eru settar í forgang.

3. Ef þú ert búandi á Evrópska efnahagssvæðinu og líkar ekki hvernig við tókum á kvörtun þinni geturðu kvartað í gegnum vettvang fyrir lausnir deilumála (ODR) hjá framkvæmdastjórn Evrópusambandsins (ec.europa.eu/odr). Það fer eftir hvers efnis kvörtun þín var:

• ef hún var um gististað, flug eða afþreyingu geturðu notað ODR-vettvanginn
• ef hún var um landsamgöngur geturðu það ekki (vegna þess að landsamgöngur eru bókaðar hjá Booking.com Transport Limited, og Bretland hefur gengið úr ESB).

Vinsamlega athugaðu að þú getur ekki sent inn neinar nýjar kröfur í gegnum ODR frá 20. mars 2025, daginn sem ODR verður aflagður. Frekari upplýsingar um það að ODR var lagður niður er að finna á vefsíðu framkvæmdastjórnar Evrópusambandsins.

4. ef þú býrð í Tékklandi og líkar ekki hvernig við tökum á kvörtun þinni geturðu kvartað til Tékkneska eftirlitsins - Central Inspectorate, ADR Department, skráðar höfuðstöðvar Štěpánská 15, Prag 2, póstnúmer: 120 00, netfang: adr@coi.cz, https://www.coi.cz/informace-o-adr/.

5. Ef þú býrð í Brasilíu og þér líkar ekki hvernig við tökum á kvörtun þinni geturðu kvartað í gegnum vettvang til lausna deilumála hjá Brasilísku neytendasamtökunum (consumidor.gov.br/).

6. Við reynum að leysa úr ágreiningi innanhúss og erum ekki skuldbundin að senda í annað úrlausnarferli ágreiningsmál sem óháðir aðilar sjá um.

A17. Samskipti við þjónustuaðila

1. Við gætum hjálpað þér að eiga samskipti við þjónustuaðilann þinn, en við getum ekki tryggt að hann lesi nokkuð frá þér eða að hann fari að þínum óskum. Það eitt og sér að þú hafir samband við hann eða hann við þig þýðir það ekki að grundvöllur sé hjá þér fyrir lögsókn.

A18. Ráðstafanir gegn óásættanlegri hegðun

1. Við eigum rétt á að stöðva bókanir hjá þér, ógilda hvaða bókun sem þú hefur framkvæmt og/eða koma í veg fyrir að þú notir vettvang okkar, þjónustuver okkar og/eða svæði þitt. Auðvitað munum við aðeins gera slíkt ef við teljum að það sé góð ástæða til þess. Til dæmis:

• svik eða misnotkun
• ekki sé farið að gildandi lögum eða reglugerðum (þ.m.t. Gildum okkar)
• óviðeigandi eða ólögleg hegðun (t.d. ofbeldi, hótanir eða afskipti af einkalífi) í tengslum við okkur, einhver fyrirtæki sem við störfum með eða nokkurn annan, hvað það varðar.

2. Ef við afpöntum bókun vegna þessa átt þú ekki rétt á endurgreiðslu. Vera má að við segjum þér af hverju við afpöntuðum bókun þína nema það að segja þér það (a) stangist á við gildandi lög og/eða (b) myndi koma í veg fyrir eða hamla því að svik eða önnur ólögleg starfsemi yrði uppgötvuð eða komið í veg fyrir hana. Ef þú telur að það hafi verið óréttmætt af okkur að afpanta bókun þína skaltu hafa samband við þjónustuver.

3. Þú viðurkennir og samþykkir að fjárhagslegar skaðabætur séu ekki fullnægjandi úrræði samkvæmt lögum vegna óheimillar notkunar á sjálfvirkum aðferðum eða sjálfvirkri aðstoð (þar með talið, en ekki takmarkað við, þau sem starfa með því að hafa samskipti við eða nota vafrann þinn á annan hátt, svo sem með gervigreindarstuddri aðstoð), að slík óheimil notkun geti valdið Booking.com óbætanlegu tjóni og að Booking.com eigi rétt á lögbanni til að banna slíka óheimila notkun.

A19. Takmörkun ábyrgðar

1. Þessir skilmálar takmarka ábyrgð okkar eingöngu eftir því sem gildandi lög leyfa. Nánar tiltekið takmarkar ekkert í þessum skilmálum ábyrgð okkar (eða þjónustuaðilans) hvað varðar okkar (eða hans) eigin vanrækslu sem leiðir til dauða eða líkamlegra áverka, svika, sviksamlegra rangfærslna, alvarlegrar vanrækslu eða viljandi misferli. Fyrir utan þau réttindi og skyldur sem lýst er í þessum hluta berum við ekki ábyrgð á neinu öðru tapi nema það sé af völdum brots á þessum skilmálum. Þetta þýðir til dæmis að við berum ekki skaðabótaábyrgð á:

• óbeinu eða afleiddu tapi eða tjóni
• tapi á gróða, notkun, gögnum, tekjum, viðskiptatækifærum eða velvild
• sérstökum bótum eða bótum í refsi- eða betrunarskyni
• röngum upplýsingum um þjónustuaðila
• vöru, þjónustu eða aðgerðum þjónustuaðila eða viðskiptafélaga
• mistökum í netfangi, símanúmeri eða kreditkortanúmeri (nema það sé okkar sök)
• óviðráðanlegum atburði eða atburði sem við höfum ekki stjórn á.

2. Ef þú brýtur þessa skilmála og/eða skilmála þjónustuaðila:

• erum við ekki ábyrg fyrir hvers kyns kostnaði sem þú stofnar til vegna þess og
• þú átt ekki rétt á neinni endurgreiðslu.

3. Mesta ábyrgð sem við og hvaða þjónustuaðili sem er getum borið (hvort sem það er einn atburður eða röð tengdra atburða), er kostnaður af bókun þinni eins og kemur fram í staðfestingatölvupóstinum þínum. Þessar takmarkanir á skaðabótaábyrgð skulu gilda óháð viðbrögðum, hvort sem þau byggja á samningi, skaðabótaskyldu broti, vanrækslu, strangri skaðabótaábyrgð eða annarri lagakenningu.

4. Fyrir utan það sem tekið er fram í þessum skilmálum er ekkert umboð, ábyrgðir eða skuldbindingar gefin í tengslum við vörur og þjónustu „þjónustuaðila“, og við tökum á okkur enga ábyrgð á að tryggja að þeir henti tilgangi þínum (slíkt er eingöngu á þína ábyrgð). Að svo miklu leyti sem lög leyfa afsölum við okkur öllu umboði og ábyrgðum, þar á meðal, en takmarkast ekki við, ábyrgð á söluhæfi og hæfi fyrir ákveðinn tilgang. Við ábyrgjumst ekki eða setjum ekkert fram um að vefsvæði okkar muni starfa villulaust eða án truflana, að gallar verði leiðréttir eða að vefsvæðið og/eða vefþjónar þess verði laus við veirur og/eða annað skaðlegt efni. Við ábyrgjumst hvorki né setjum neitt fram varðandi hæfi, framboð, nákvæmni, áreiðanleika eða stundvísi efnis af nokkru tagi á vefsvæðinu, sama í hvaða tilgangi, þar á meðal hugbúnaðar, þjónustu, upplýsinga, texta og tengds myndefnis. Þú samþykkir að þú notir vefsvæði okkar og þjónustu á eigin ábyrgð. Þér er ljóst og þú samþykkir að við berum ekki ábyrgð á misnotkun eða óleyfilegri notkun á vefsvæði okkar eða þjónustu eða afleiðingum sem verða vegna slíkrar misnotkunar eða óleyfilegrar notkunar.

5. Svo það sé skýrt: ekkert í þessum skilmálum gefur þriðja aðila öðrum en þjónustuaðila rétt á neinu.

A20. Gerðardómssamningur

Gildissvið gerðardómssamnings

1. Samkvæmt skilmálum þessa gerðardómssamnings samþykkir þú og Booking.com að öll ágreiningsmál, ósamkomulag eða kröfur sem kunna að rísa upp af eða tengjast á nokkurn hátt aðgangi ykkar að eða notkun á vettvangi okkar, eða annarri þjónustu sem Booking.com eða þjónustufyrirtæki veita í tengslum við notkun ykkar á vettvangi okkar (þar á meðal túlkun og umfang þessa gerðardómssamnings og gerðardómsúrskurður deilumála, eins og hann er skilgreindur hér), eða samband ykkar við okkur eða dótturfyrirtæki, móðurfyrirtæki eða hlutdeildarfélag eða -fyrirtæki (hvort sem það byggist á samningi, skaðabótarétti, lögum, svikum, rangfærslum eða annarri lagalegri kenningu) (hvert um sig, „deila“) verði leyst með bindandi gerðardómi frekar en fyrir dómstólum, nema: (1) þú og Booking.com getið gert kröfur eða leitað úrbóta fyrir smákröfudómstóli, að því marki sem deilan uppfyllir skilyrði samkvæmt gildandi lögum og er enn fyrir smákröfudómstóli; og (2) eftirfarandi málsástæður og, eftir því sem við á, beiðnir um úrbætur eru undantekningar á þeim álitamálum sem falla undir þennan gerðardómssamning og fá réttarmeðferð fyrir dómstóli með lögsögu (eins og lýst er í þessum gerðardómssamningi): (i) allar kröfur eða málsástæður sem varða raunverulegt eða ætlað brot, misnotkun eða brot á höfundarrétti, vörumerkjum, viðskiptaleyndarmálum, einkaleyfum eða öðrum hugverkaréttindum aðila; (ii) allar kröfur eða málsástæður sem leita neyðarúrræða vegna brýnna aðstæðna (t.d. yfirvofandi hætta eða framkvæmd glæps, tölvuárásar, netárásar); eða (iii) beiðni um úrræði opinberrar úrbóta, þar sem slík úrræði eru heimil og ekki er hægt að fella niður samkvæmt gildandi lögum; eða (iv) hvaða málshöfðun sem er sem tengist óheimilli notkun á einhverju á kerfinu okkar með sjálfvirkum hætti eða sjálfvirkri aðstoð (þar með talið, en ekki takmarkað við, þá sem starfa með því að hafa samskipti við eða nota vafrann þinn á annan hátt, svo sem gervigreindarstuddri aðstoð). Í þessum gerðardómssamningi nær hugtakið „ágreiningur“ einnig til ágreiningsefna sem komu upp eða varða atvik sem áttu sér stað fyrir tilvist þessarar eða fyrri útgáfa af skilmálunum, nema þessara ágreiningsefna hafi orðið vart áður en þessir skilmálar tóku gildi, sem og krafna sem kunna að koma upp eftir að þessir skilmálar féllu úr gildi.

Innra endurskoðunarferli

2. Áður en ágreiningur verður, eins og rætt er um í næsta hluta, verður hvor aðili að gefa hinum aðilanum tækifæri til að leysa úr kvörtunum með því að leggja þær fram skriflega.

Ef þú ert með kvörtun verður þú að tilkynna Booking.com skriflega á eyðublaði sem er að finna á síðunni okkar. Síða um lausn ágreinings („Innra endurskoðunarferli“). Skilaboðin sem þú sendir í gegnum síðuna til lausnar ágreinings til að hefja innra endurskoðunarferlið verða að innihalda eftirfarandi upplýsingar: (1) nafn þitt, (2) heimilisfang þitt, (3) netfangið sem þú notaðir til að bóka, (4) bókunarnúmer þitt, (5) dagsetning bókunar þinnar, (6) nafn þjónustuaðila sem þú bókaðir ferðaupplifunina hjá, (7) stutta lýsingu á eðli kvörtunar þinnar og (8) lausn sem þú ert að leita að (saman kallaðar „Nauðsynlegar upplýsingar“). Auk þess verða skilaboðin að hefjast á orðunum „Beiðni samkvæmt gerðardómssamningi“. Ef skilaboðin hefjast ekki á þessum orðum eða innihalda ekki allar nauðsynlegar upplýsingar (eða útskýringu á því að þú getur ekki veitt allar nauðsynlegar upplýsingar) telst þú ekki hafa byrjað innra endurskoðunarferlið, sem þú verður að gera áður en gerðardómur eða málshöfðun fyrir bótarétti hefst gegn Booking.com. Þessari kröfu er ætlað að upplýsa okkur um að uppi sé ágreiningur gagnvart okkur sem þú vilt leysa.

Ef Booking.com er með kvörtun sendir það skriflega tilkynningu með viðeigandi nauðsynlegum upplýsingum á netfangið sem þú notaðir við bókunina.

Ef aðilar geta ekki leyst úr málum innan 60 daga frá upphafi innra endurskoðunarferlis, getur hvor aðili sem er leitað úrbóta eins og kveðið er á um í þessum gerðardómssamningi. Innra endurskoðunarferlið er nauðsynleg forsenda fyrir því að hefja gerðardóm.

Fyrningarfrestur og frestur til að greiða umsóknargjöld skal ákvarðaður við innra endurskoðunarferli.

Undanþága frá kviðdómsmeðferð

3. ÞÚ OG BOOKING.COM AFSALIÐ YKKUR HÉR MEÐ ÖLLUM STJÓRNARSKRÁRVÖRÐUM OG LÖGBOÐNUM RÉTTINDUM TIL AÐ SÆKJA MÁL FYRIR DÓMI OG FÁ RÉTTARHALD FYRIR DÓMARA EÐA KVIÐDÓMI. Þú og Booking.com kjósið í staðinn að leysa öll deilumál með gerðardómi samkvæmt þessum gerðardómssamningi, nema eins og tilgreint er í undirhlutanum „Gildissvið gerðardómssamningsins“. Í gerðardómi er enginn dómari eða kviðdómur og endurskoðun gerðardómsúrskurðar er mjög takmörkuð.

Undanþága frá hópúrlausn og annarri úrlausn sem er ekki einstaklingsbundin

4. HVORT OKKAR UM SIG GETUR LAGT FRAM KRÖFUR GEGN HINU AÐEINS Á GRUNDVELLI EINSTAKLINGS EN EKKI HÓPS, FULLTRÚA EÐA SAMAN MEÐ ÖÐRUM OG AÐILAR AFSALA SÉR HÉR MEÐ ÖLLUM RÉTTINDUM TIL AÐ BERA FRAM, LEGGJA FRAM, LÁTA SJÁ UM, GERA ÚT UM, LEGGJA Í GERÐARDÓM ÁGREINING Á GRUNDVELLI , HÓPS, SAMEIGINLEGA EÐA FULLTRÚA. AÐEINS EINSTAKLINGSÚRLAUSN ER Í BOÐI. Samkvæmt þessum gerðardómssamningi getur gerðardómari aðeins úrskurðað með yfirlýsingu eða lögbanni í þágu þess aðila sem leitar úrlausnar og aðeins að því marki sem nauðsynlegt er til að veita úrlausn sem einstaklingsbundin krafa aðilans réttlætir. Ekkert í þessari málsgrein er ætlað að hafa áhrif á skilmála og skilyrði samkvæmt undirhluta A20.9 sem ber yfirskriftina „Hópgerðardómur“ né skal það hafa áhrif á þau. Þrátt fyrir annað í þessum gerðardómssamningi, ef endanleg ákvörðun, sem ekki er háð frekari áfrýjun eða úrræðum, ákvarðar að takmarkanir þessa undirhluta, „Undanþága frá hópmálsmeðferð og öðrum en einstaklingsbundnum úrlausnum“, séu ógildar eða óframkvæmanlegar varðandi tiltekna kröfu eða beiðni um úrlausn (svo sem beiðni um opinbera lögbannsúrlausn), þá samþykkir þú og Booking.com að tiltekin krafa eða beiðni um úrlausn (og aðeins sú tiltekna krafa eða beiðni um úrlausn) skuli aðskilin frá gerðardómnum og megi höfða mál um þær fyrir ríkis- eða alríkisdómstólum í New York-ríki. Öll önnur ágreiningsefni skal leysa fyrir gerðardómi eða fyrir smákröfudómstóli. Þessi undirhluti kemur ekki í veg fyrir að þú eða Booking.com taki þátt í hópsáttmála eða fjöldauppgjöri krafna.

Reglur og spjallborð

5. Skilmálarnir staðfesta viðskipti meðal annars milli ríkja; og þrátt fyrir önnur ákvæði hér varðandi gildandi lög þar um, gilda alríkislögin um gerðardóma, 9 USC § 1 og eftirfarandi, um túlkun og framfylgd þessa gerðardómssamnings, þar á meðal málsmeðferðina sem gildir um hópgerðardóma og alla gerðardóma.

Gerðardómurinn verður undir stjórn Þjóðlegs gerðardóms og sáttamiðlunar („NAM“) í samræmi við alhliða reglur um lausn deilumála og málsmeðferð NAM („NAM-reglurnar“) sem eru í gildi á þeim tíma sem gerðardómurinn starfar, nema með viðbótum og málsmeðferðum NAM um fjöldaskráningu deilumála („NAM-reglurnar um fjöldaskráningu“), þar sem við á, og eins og þeim er breytt með þessum gerðardómssamningi. NAM-reglurnar eru nú aðgengilegar á https://www.namadr.com/resources/rules-fees-forms/.

Aðili sem óskar eftir gerðardómsúrskurði verður að leggja fram beiðni um gerðardóm hjá hinum aðilanum („Krafan“). Í kröfunni þarf að koma fram: (1) nafn, símanúmer, póstfang, netfang aðila sem leitar gerðardóms og netfang tengt reikningnum, ef við á; (2) yfirlýsing um lagalegar kröfur sem eru settar fram og staðreyndir um þær kröfur; (3) lýsing á úrlausninni sem beðið er um og nákvæmur útreikningur í góðri trú á upphæð umdeildrar upphæðar í bandarískum dollurum; (4) yfirlýsing sem staðfestir að innra endurskoðunarferlinu sé lokið eins og lýst er; og (5) yfirlýsing sem staðfestir að málsbeiðandi muni greiða öll nauðsynleg umsóknargjöld í tengslum við slíka gerðardómsmeðferð. Allar beiðnir sem þú sendir til Booking.com ætti að senda á formi eyðublaðsins sem er að finna á síðunni okkar. Síða fyrir lausn ágreinings. Booking.com mun senda kröfuna á netfangið sem þú hefur skráð.

Ef aðili sem óskar eftir gerðardómi er með lögmann, skal í kröfunni einnig koma fram nafn lögmanns, símanúmer, póstfang og netfang. Slíkur lögmaður verður einnig að undirrita kröfuna. Með undirritun kröfunnar staðfestir lögmaður, eftir bestu vitund, upplýsingar og sannfæringu, sem gerð var eftir sanngjarna rannsókn miðað við aðstæður, að í samræmi við staðlana sem fram koma í alríkisreglu 11(b) um réttarfar í einkamálum: (1) krafan er ekki sett fram í neinum óviðeigandi tilgangi, svo sem til að áreita, valda óþarfa töfum eða auka óþarfa kostnað við úrlausn ágreinings; (2) kröfurnar, varnirnar og aðrar lagalegar ásakanir eru studdar gildandi lögum eða traustri röksemdafærslu fyrir því að framlengja, breyta eða snúa við gildandi lögum eða setja ný lög; og (3) ágreiningur um staðreyndir og skaðabætur er studdur sönnunargögnum, ef það er sérstaklega tekið fram, verður líklega studdur sönnunargögnum eftir sanngjarnt tækifæri til frekari rannsóknar eða uppgötvunar („Vottun lögmanns“).

Sé hópgerðardómsferlið, sem fjallað er um í undirhluta A20.9 virkjað, mun gerðardómsmeðferð fara fram í New York, New York eða, að þínu vali, í sýslunni þar sem þú býrð eða á öðrum stað sem gagnkvæmt samkomulag er um, nema þú og Booking.com komist að samkomulagi um annað. Þú og við samþykkjum að, fyrir kröfur þar sem beiðni um bætur eru 25.000 USD eða lægri, verði gerðardómurinn eingöngu byggður á skriflegum greinargerðum, nema þú óski eftir dómþingi eða að gerðardómari ákveði að dómþing sé nauðsynlegt; í því tilviki er æskilegra að fari fram rafræn dómþing en dómþing á staðnum nema gerðardómari úrskurði að grundvallarréttur aðila til réttlátrar málsmeðferðar yrði skertur ef dómþing færi ekki fram á staðnum. Ef um er að ræða fund í eigin persónu, samþykkjum við að allir starfsmenn Booking.com BV eða dótturfélags þess sem eru staðsettir utan Bandaríkjanna og taka þátt í fundinum megi taka þátt í síma eða myndsíma.. Með fyrirvara um NAM-reglurnar getur gerðardómari fyrirskipað takmörkuð en sanngjörn upplýsingaskipti milli aðila, í samræmi við hraðafgreiðslu eðli gerðardóms. Ef NAM er ekki tiltækt úrskurðar gerðardóms, velja aðilar annan gerðardómsvettvang. Ábyrgð þín um að greiða öll NAM-gjöld og kostnað nær eingöngu til þess sem fram kemur í gildandi gjaldskrám NAM („gjaldskrárnar“).

Þú og Booking.com samþykkið að öll gögn og skjöl sem skipst er á meðan á gerðardómsferlinu stendur verði trúnaðarmál og ekki deilt með neinum nema lögmönnum, endurskoðendum eða viðskiptaráðgjöfum aðila, og þá með þeim skilyrðum að þeir samþykki að öll gögn og skjöl sem skipst er á meðan á gerðardómsferlinu stendur verði trúnaðarmál.

Þú og Booking.com samþykkið að minnst 14 dögum fyrir tilskilinn dag gerðardóms geti hvor aðili sem er sent hinum aðilanum skriflegt tilboð um að heimila úrskurð samkvæmt tilgreindum skilmálum. Ef tilboð annars aðilans er ekki samþykkt af hinum aðilanum og hinn aðilinn fær ekki hagstæðari niðurstöðu, skal hinn aðilinn ekki fá endurgreiðslu neins kostnaðar eftir tilboðsgerð sem hann hefði annars átt rétt á og skal greiða kostnað tilboðsgjafa frá þeim tíma sem tilboðið er gert.

Gerðardómari

6. Gerðardómari verður annað hvort dómari á eftirlaunum eða lögmaður með leyfi til að starfa sem lögmaður í New York-fylki og verður valinn úr aðilum af lista NAM yfir gerðarmenn í neytendamálum. Ef aðilar ná ekki samkomulagi um gerðardómara innan þrjátíu og fimm (35) daga frá því að krafan var sett fram, mun NAM skipa gerðardómara í samræmi við reglur NAM, að því tilskildu að sé hópgerðardómsferli samkvæmt undirhluta A20.9 virkjað, mun NAM, án þess að leita eftir ábendingum eða endurgjöf frá neinum aðila, skipa gerðardómara fyrir hvern hóp.

Heimild gerðardómara

7. Gerðardómarinn skal hafa óskoraðan rétt til að leysa úr öllum ágreiningi, þar á meðal, án takmarkana, ágreiningi varðandi túlkun eða beitingu gerðardómssamningsins, þar á meðal um framkvæmdarhæfi, afturköllunarhæfi, umfang eða gildi gerðardómssamningsins eða einhvers hluta hans, nema hvað allar deilur varðandi undirhlutann sem ber yfirskriftina „Afsal frá hópdómum og annarri úrlausn sem er ekki einstaklingsbundin“, þar á meðal allar kröfur um að öll eða hluti undirhlutans sem ber yfirskriftina „Afsal frá hópdómum og annarri úrlausn sem er ekki einstaklingsbundin“ sé óframkvæmanleg, ólögleg, ógild eða ógildanleg, eða að slík undirgrein sem ber yfirskriftina „Afsal frá hópdómum og annarri úrlausn sem er ekki einstaklingsbundin“ hafi verið brotin, skulu úrskurðaðar af þar til bærum dómstóli en ekki af gerðardómara. Gerðardómari skal hafa heimild til að verða við tillögum sem leysa úr öllum eða hluta ágreinings. Gerðardómari skal gefa út skriflegan úrskurð og yfirlýsingu um ákvörðun þar sem lýst er helstu niðurstöðum og ályktunum sem úrskurðurinn byggir á, þar á meðal útreikningi á hugsanlegum skaðabótum. Úrskurður gerðardómsins er endanlegur og bindandi fyrir þig og okkur. Niðurstöður gerðardóms eða bætur frá honum má skrá hjá hvaða rétti sem er með lögsögu.

Lögmannaþóknun og -kostnaður

8. Aðilar skulu bera eigin lögmannakostnað og annan kostnað í gerðardómi nema gerðardómari komist að þeirri niðurstöðu að annað hvort efni deilunnar eða sú úrlausn sem kom fram í kröfunni hafi verið tilefnislaus eða borin fram í óviðeigandi tilgangi (samkvæmt stöðlunum sem fram koma í alríkisreglu 11(b) um málsmeðferð í einkamálum). Að því marki sem gerðardómari, eftir að hafa lagt fram efnisatriði málsins, að eigin frumkvæði eða að frumkvæði aðila, og eftir að hafa gefið hæfilegt tækifæri til að tjá sig, kemst að þeirri niðurstöðu að aðili sem hóf mál fyrir gerðardómi hafi ekki lagt fram kröfu(r) sína(r) í samræmi við vottun lögmanns og staðlana sem fram koma í 11(b) laga um alríkislög um málsmeðferð, eru aðilar sammála um að gerðardómari skuli, sem hluta af úrskurði sínum, beita viðurlögum með því að fyrirskipa að sá aðili sem höfðaði málið endurgreiði ákærða allan kostnað við gerðardóminn og þóknun gerðardómara sem ákærði hefur stofnað til samkvæmt gjaldskrám.

Hópgerðardómur

9. Til að auka skilvirkni stjórnsýslu og úrlausnar gerðardóma samþykkja þú og Booking.com að berist Booking.com tuttugu og fimm (25) eða fleiri einstakar kröfur af svipuðum toga frá eða með aðstoð sömu lögmannsstofu, hópi lögmannsstofa eða samtaka („lögmenn kröfuhafa“), innan eðlilegs tímaramma, til dæmis níutíu (90) daga, skuli NAM (1) afgreiða gerðardómskröfurnar í lotum með 100 kröfum í hverri lotu (eða, ef tuttugu og fimm (25) til níutíu og níu (99) einstakar kröfur eru lagðar fram, ein lota af öllum þessum kröfum, og, að því marki sem það eru eftir færri en 100 kröfur eftir nefnda lotu, lokalotu sem samanstendur af þeim kröfum sem eftir eru); (2) tilnefna einn gerðardómar fyrir hverja lotu; og (3) kveða á um úrlausn hverrar málalotu á sameiginlegum grunni með uppsöfnuðum umsóknar- og stjórnsýslugjöldum sem greiða skal fyrir hvern aðila fyrir hvern hóp, einu málsmeðferðaráætlun, einni fyrirtöku (ef einhver er) á stað sem gerðardómarinn velur og einum lokaúrskurði sem mun kveða á um allar úrbætur sem gerðardómarinn ákveður að hver einstakur aðili eigi rétt á („Hópgerðardómur“). NAM skal sjá um allar lotur samtímis, eftir því sem kostur er.

Allir aðilar eru sammála um að kröfur séu „í aðalatriðum svipaðs eðlis“ ef þær stafa af eða tengjast sama atburði eða staðreyndum og vekja upp sömu eða svipuð lagaleg álitaefni og leita sömu eða svipaðrar úrlausna. Ef aðilar eru ósammála um beitingu hópgerðardómsferlisins skal sá aðili sem er ósammála tilkynna það til NAM og NAM skal skipa einn fastan málsmeðferðargerðarmann eða, ef aðstæður krefjast þess, neyðargerðarmann, samkvæmt reglum NAM, til að ákvarða hvort hópgerðardómsferlið eigi við (málsmeðferðargerðarmaðurinn eða neyðargerðarmaðurinn mega teljast „stjórnsýslugerðarmaðurinn“). Í því skyni að flýta fyrir lausn slíkra ágreiningsmála af hálfu stjórnsýslugerðarmanns eru aðilar sammála um að stjórnsýslugerðarmaðurinn geti sett fram þær málsmeðferðir sem nauðsynlegar eru til að leysa úr ágreiningi tafarlaust. Booking.com greiðir þóknun stjórnsýslugerðarmannsins.

Þú og Booking.com samþykkið að vinna í góðri trú með NAM að því að hrinda hópgerðardómsferlinu í framkvæmd, þar á meðal greiðslu einstakra skráningar- og stjórnsýslugjalda fyrir hópa krafna, sem og allra aðgerða til að lágmarka tíma og kostnað við gerðardóminn, sem geta falið í sér: (1) skipun sérstaks aðstoðarmanns til að aðstoða gerðardómarann við úrlausn ágreinings um fyrirtöku fyrir gerðardómi; og (2) að taka upp hraða gerðardómsmeðferð.

Þessi ákvæði um hópgerðardóm skal á engan hátt túlka sem heimild til eða stofnun hópgerðardóms, sameiginlegs gerðardóms og/eða fulltrúagerðardóms eða aðgerða af nokkru tagi, nema eins og sérstaklega er tekið fram í þessu ákvæði, og ekkert í hópgerðardómsferlinu kemur í veg fyrir að neinn aðila taki þátt í gerðardómi sem framkvæmdur er samkvæmt því ferli.

Ógildur samningur og endalok hans

10. Ef einhver hluti eða hlutar þessa gerðardómssamnings (annar en hluti A20.9) reynast ógildir eða óframkvæmanlegir samkvæmt lögum, þá skal sá tiltekni hluti eða hlutar vera ógildir og skulu aðskildir og afgangurinn af gerðardómssamningnum skal halda fullu gildi sínu nema annað komi fram í undirkaflanum „Afsal frá hópdómstólum eða annarri úrlausn sem er ekki einstaklingsbundin“. Hins vegar, ef hluti A20.9 í þessum gerðardómssamningi reynist ógildur eða óframkvæmanlegur samkvæmt lögum, þá skal gerðardómssamningurinn í heild sinni vera ógildur og aðilar eru sammála um að öll ágreiningsefni verði tekin fyrir hjá ríkis- eða alríkisdómstólum í New York, New York. Þú samþykkir enn fremur að öll ágreiningsefni sem þú átt við Booking.com, eins og tilgreint er í þessum gerðardómssamningi, verði að hefja innan gildandi fyrningarfrests fyrir þá kröfu eða deilu, ella fyrnist þau að eilífu. Á sama hátt samþykkir þú að allir gildandi fyrningarfrestir gildi um slíka gerðardóma á sama hátt og þeir fyrningarfrestir myndu eiga við fyrir viðkomandi dómstóli með lögsögu þar.

30 daga réttur til að hafna

11. Þú hefur rétt til að hafna ákvæðum þessa gerðardómssamnings með því að senda skriflega tilkynningu í um síðuna okkar, Síða fyrir lausn ágreinings með skilaboðunum: „Gerðardómur -- Tilkynning um höfnun“, innan þrjátíu (30) daga frá því að samningur um gerðardóm varð fyrst til staðar („Tilkynning um höfnun“). Í tilkynningu þinni um að þú hafnir samningnum verður að vera nafn þitt og heimilisfang, netfangið sem þú notaðir til að stofna Booking.com aðganginn þinn (ef þú ert með slíkan) og ótvíræða yfirlýsingu um að þú viljir hætta við þennan gerðardómssamning. Tilkynning um höfnun tekur aðeins gildi ef þú sendir hana sjálfur, á einstaklingsgrundvelli, en tilkynning um höfnun sem kemur frá þriðja aðila sem þykist starfa fyrir þína hönd hefur engin áhrif á réttindi þín eða Booking.com. Ef þú hafnar þessum gerðardómssamningi halda allir aðrir hlutar þessara skilmála áfram að gilda um þig. Að hafna þessum gerðardómssamningi hefur engin áhrif á neina gerðardómssamninga sem þú kannt nú þegar að hafa gert við okkur, þar með taldar fyrri útgáfur af þessum gerðardómssamningi sem þú samþykktir, og hefur engin áhrif á neina gerðardómssamninga sem þú kynnir að gera við okkur í framtíðinni.

Breytingar

12. Þú og við samþykkjum að Booking.com áskilur sér rétt til að breyta þessu gerðardómsákvæði í framtíðinni. Allar slíkar breytingar verða birtar á vettvangi okkar og þú ættir að kanna reglulega uppfærslur. Áframhaldandi notkun þín á Booking.com-vettvangi og/eða þjónustu, þar með talið samþykki fyrir vörum og þjónustu sem boðnar eru á vettvanginum eftir að breytingar á þessum gerðardómssamningi hafa verið birtar, jafngildir samþykki þínu á slíkum breytingum. Ef þú hefur áður samþykkt útgáfu af þessum skilmálum með gerðardómssamningi og ekki hafnað þátttöku í gerðardómi með gildum hætti, þá veita breytingar á þessum gerðardómssamningi þér ekki nýtt tækifæri til að hafna þátttöku í gerðardómi. Booking.com mun halda áfram að virða gilda höfnun á gerðardómssamningnum sem þú gerðir varðandi fyrri útgáfu af þessum skilmálum.

Dómstólar með lögsögu og gildandi lög

13. Að því marki sem ágreiningurinn fellur ekki undir gerðardómssamning milli þín og okkar, skal hann fara fyrir ríkis- eða alríkisdómstóla í New York, New York (að undanskildum málum fyrir smákröfur, sem má höfða í sýslunni þar sem þú býrð). Þessi gerðardómssamningur og þessir skilmálar eru gerðir samkvæmt og skulu lúta og túlkast í samræmi við lög New York, óháð reglum um lög sem stangast á.

B1. Umfang þessa hluta

1. Þessi hluti inniheldur sértæk hugtök yfir gististaði og þjónustu. Hann gildir ásamt hluta A (sem gildir um alla ferðaupplifun).

B2. Samningssamband

1. Þegar þú bókar (eða biður um bókun) er það gert beint hjá þjónustuaðilanum - við erum ekki „samningsaðili“.

2. Vettvangurinn er í eigu og rekinn af Booking.com B.V.

3. Vettvangur okkar sýnir aðeins gististaði sem eru í viðskiptalegum tengslum við okkur og sýnir ekki endilega allar vörur eða þjónustu þeirra.

4. Upplýsingar um þjónustuaðila (t.d. aðstöðu, húsreglur og ráðstafanir um sjálfbærni) og ferðaupplifun (t.d. verð, framboð og afpöntunarskilmála) byggjast á því sem þeir veita okkur. Þeir eru ábyrgir fyrir að tryggja að upplýsingarnar séu réttar og nýjar.

B3. Það sem við gerum

1. Við leggjum fram vettvanginn sem þjónustuaðilar geta kynnt og selt gistiþjónustu sína á – og þú getur leitað að, borið saman við og bókað þá.

2. Þegar þú hefur bókað gististað staðfestum við bókunarupplýsingarnar hjá þér og þjónustuaðilanum, ásamt nafni gestsins (nöfnum gestanna).

3. Það fer eftir skilmálum bókunar þinnar hvort þú getir breytt henni eða hætt við hana.

B4. Það sem þú þarft að gera

1. Færðu inn réttar tengiliðsupplýsingar svo að við og/eða þjónustuaðilinn getum veitt þér upplýsingar um bókun þína og ef nauðsyn krefur haft samband við þig.

2. Kynntu þér vel þessa skilmála og hugtök sem koma fram við bókunarferlið.

3. Farðu vel með gististaðinn og húsgögn, innréttingar, raftæki og annan búnað og skildu hluti eftir í sama ástandi og þú komst að þeim. Ef eitthvað er bilað, skemmt eða týnt skaltu endilega tilkynna það starfsliði þar (sem fyrst og örugglega fyrir útskráningu).

4. Tryggðu öryggi á gististaðnum og búnaði hans á meðan þú dvelur þar. Þess vegna skaltu til dæmis ekki skilja eftir dyr eða glugga ólæst.

B5. Verð og greiðslur

1. Athugaðu „Verð“ (A7) og „Greiðsla“ (A8).

B6. Breytingar, afpantanir og endurgreiðslur.

1. Athugaðu „Skilmálar“ (A9).

B7. Hvað annað þarftu að vita?

Við jöfnum verðið

1. Við viljum að þú fáir besta hugsanlega verðið í hvert sinn. Ef þú finnur sama gististað (með sömu skilyrðum) fyrir lægra verð á annarri vefsíðu eftir að þú hefur bókað gistingu hjá okkur, lofum við að endurgreiða mismuninn. Mundu bara að hafa samband við okkur eftir bókun hjá okkur. Ef þú leggur fram kröfuna „Við jöfnum verðið“ með tölvupósti þarftu að senda okkur skjáskot og hlekk á hitt tilboðið. Þú getur líka lagt fram kröfu um Við jöfnum verðið beint í síma með því að hafa samband við þjónustuver okkar. Í öllum tilvikum verður hitt tilboðið að vera á netinu og tiltækt þegar við könnum það.

Gátlisti fyrir Við jöfnum verðið

• Hitt tilboðið verður að vera fyrir sama gististað og sömu tegund gistingar.
• Hitt tilboðið verður að vera fyrir sömu innritunar- og brottfarardagsetningar.
• Hitt tilboðið verður að vera með sömu afpöntunarskilmálum og skilyrðum.
• Hitt tilboðið verður að vera fyrir sama fjölda gesta
• Hitt tilboðið verður að hafa sömu viðbót / mataráætlun.
• Betra tilboðið verður að vera í staðarmynt gististaðarins.

Hvenær geturðu ekki gert kröfu?

• Ef hitt tilboðið er á vefsíðu sem gefur ekki upp gististaðinn eða tegund gististaðar, sem þú ætlar að dvelja í, fyrr en eftir bókun.
• Ef hitt tilboðið er í boði á ógagnsærri, grunsamlegri og/eða líklega sviksamlegri vefsíðu.
• Ef hitt tilboðið er hluti af vildar- eða verðlaunakerfi, þar sem gististaðurinn eða vefsíðan lækkar verðið fyrir aðgerðir eins og endurtekin viðskipti, innskráningu, notkun afsláttarmiðakóða, tilvísun annarra eða aðrar aðgerðir sem lækka upphaflegt verð.
• Ef núverandi bókun þín hjá Booking.com er „tilboð frá samstarfsaðila“ (þetta er merkt sem slíkt á vettvangi okkar og samstarfsfyrirtæki veita það) eða ef þú ert að bera hitt tilboðið saman við „tilboð frá samstarfsaðila“ á vettvangi okkar.
• Ef þú hættir við bókunina.
• Ef þú bókar gististað með einni einingu, sem í eðli sínu getur ekki verið í boði annars staðar.
• Booking.com áskilur sér rétt til að taka sjálft ákvörðun um hæfi viðskiptavinar til að fá verðjöfnun.

Fannstu ódýrari bókun annars staðar?

• Leitaðu að „Fannstu þetta herbergi ódýrara annars staðar?" á staðfestingarsíðunni þinni.
• Staðfestu að ódýrara tilboðið uppfylli allar kröfur (skoðaðu gátlista).
• Vistaðu hlekkinn á lægra tilboðið (Dæmi: www.hotel.com/93203920).
• Taktu skjámynd (eða margar) og gakktu úr skugga um að öll viðeigandi gögn séu með (skoðaðu gátlista).
• Hafðu samband við þjónustuver.
• Eftir staðfestingu kröfunnar munum við breyta bókunarverði (ef mögulegt er) eða veita frekari leiðbeiningar fyrir þig um að krefjast endurgreiðslu verðmismunar eftir dvöl.
• Booking.com áskilur sér rétt til að taka sjálft ákvörðun um hæfi viðskiptavinar til að fá verðjöfnun.

Tilboð frá samstarfsaðila

2. Sum tilboð á vettvanginum eru merkt „Tilboð frá samstarfsaðila“ sem þýðir að þau berast okkur í gegnum fyrirtæki samstarfsaðila Booking.com, fremur en beint frá þjónustuaðila. Ef ekki er annað tekið fram gildir um hvers kyns tilboð frá samstarfsaðila sem þú bókar á að:

• Það þarf að greiða við bókun
• Ekki hægt að breyta því. Þó er hægt, ef það býður upp á ókeypis afpöntun, að afpanta það ókeypis svo fremi að það sé gert tímanlega.
• Ekki er hægt að sameina það neinum öðrum tilboðum (kynningum, hvataumbun eða umbun)
• Ekki er hægt að gefa stig eða umsögn um það á vettvanginum okkar.

Vinsamlega athugaðu að bókir þú tilboð frá samstarfsaðila gefur fyrirtækið eða gististaðurinn út reikninginn en ekki Booking.com beint.

Verðhvatar frá Booking.com

3. Við fjármögnum sumar verðlækkanirnar, ekki þjónustuaðilinn. Við greiðum einfaldlega sumt af kostnaðinum sjálf.

Biðja um að bóka

4. Í sumum tilfellum sérðu hnapp merktan „Biðja um að bóka“ á síðu gististaðarins. Ef þú velur þennan valkost munum við útskýra hvernig hann virkar (á skjánum og/eða í tölvupósti).

Tjónaskilmálar

5. Þegar þú bókar getur verið að þú sjáir suma þjónustuaðila vísa í „tjónaskilmála“. Það þýðir að þegar einhver í þínum hópi týnir eða skemmir eitthvað:

• skaltu upplýsa þjónustuaðilann
• í stað þess að krefja þig beint hefur þjónustuaðilinn 14 daga til að senda tjónagreiðslubeiðni í gegnum vettvanginn undir bókunarnúmerinu þínu

• ef hann gerir það látum við þig vita svo að þú getir komið til okkar hvers kyns athugasemdum og sagt hvort þú samþykkir kröfuna eða ekki - og þá:

  • ef þú samþykkir munum við taka af þér gjald fyrir hönd þjónustuaðilans
  • Ef þú ert ósammála skoðum við það, og ef við teljum að ástæða sé til frekari rannsóknar höfum við samband við þig til að ræða næstu skref.

6. Samkvæmt tjónaskilmálum eru takmörk fyrir því hversu hátt gjald þjónustuaðilinn getur tekið af þér í gegnum vettvanginn (hámarkið er birt þegar þú bókar).

7. Hvers kyns greiðsla sem þú innir af hendi ætti að vera á milli þjónustuaðilans og þín – við myndum aðeins halda utan um hana fyrir hönd þjónustuaðilans.

8. Tjónaskilmálar eru óskyldir almennri hreingerningu, almennu sliti, glæpum (svo sem þjófnaði) eða óefnislegu „tjóni“ (t.d. sektum vegna reykinga eða fyrir að koma með gæludýr).

9. Þjónustuaðilinn gæti þurft „tjónatryggingu“ fyrir eða við innritun. Ef hann þarf það látum við þig vita á meðan þú bókar – en það á ekkert skylt við „tjónaskilmála“. Við tökum ekki þátt í fjárhagslegu uppgjöri sem tengist öryggistryggingu.

Svona vinnum við

10. Til að fá upplýsingar um umsagnir, stöðu í leitarniðurstöðum, hvernig við högnumst (og fleira), skal skoða Svona vinnum við.

C1. Umfang þessa hluta

1. Þessi hluti inniheldur sértæk hugtök yfir afþreyingarvörur og -þjónustu. Hann gildir ásamt hluta A (sem gildir um alla ferðaupplifun).

C2. Samningssamband

1. Við (endur-)seljum ekki, bjóðum ekki eða veitum neins konar afþreyingu á okkar vegum - þegar þú bókar afþreyingu gengurðu inn í samning beint við (a) þjónustuaðilann eða (b) samleiði þriðja aðila (ef hann endurselur afþreyingu) eins og kemur fram við bókun.

2. Við komum einungis fram sem vettvangurinn og erum ekki aðili að skilmálum þjónustuaðila/samleiði þriðja aðila. Við berum ekki ábyrgð á miðanum þínum og erum ekki bótaskyld gagnvart þér hvað varðar bókun þína, fyrir utan það sem tekið er fram í þessum skilmálum.

C3. Það sem við gerum

1. Við leggjum fram vettvanginn þar sem þjónustuaðilar og (öðru hverju) samleiðar þriðja aðila geta kynnt og selt ferðaupplifun – og þú getur leitað að, borið saman við og bókað hana.

2. Þegar þú hefur bókað afþreyinguna veitum við þér og þjónustuaðilanum/samleiði þriðja aðila (eftir því sem við á) upplýsingar um bókunina; ef þjónustuaðilinn/samleiðir þriðja aðila þarf meira en nafn þitt látum við þig vita við bókun.

3. Það fer eftir skilmálum bókunar þinnar hvort þú getir breytt henni eða hætt við hana ef þú vilt. Hafðu samband við okkur í gegnum hjálparsíðuna (opin 24 tíma sólarhringsins) ef þú þarft aðstoð við eitthvað.

C4. Það sem þú þarft að gera

1. Þú verður að færa inn réttar tengiliðsupplýsingar svo að við og/eða þjónustuaðilinn/samleiðir þriðja aðila (eftir því sem við á) getum veitt þér upplýsingar um bókun þína og ef nauðsyn krefur haft samband við þig.

2. Þú verður að kynna þér og fallast á að fylgja skilmálum okkar og þriðja aðila/samleiðis þriðja aðila (sem birtast við útskráningu) – og undirgangast að brot á þeim geti leitt til viðbótargjaldfærslu og/eða afpöntunar á bókun þinni.

C5. Verð og greiðslur

1. Þegar þú bókar afþreyingu sjáum við um greiðsluna fyrir þig. Upplýsingar um hvernig þetta virkar (þ.m.t. um tengdan rétt og skyldur), sjá „Greiðsla“ (A8).

C6. Breytingar, afpantanir og endurgreiðslur

1. Vinsamlega athugaðu „Skilmálar“ (A9).

C7. Hvað annað þarftu að vita?

Hvernig við störfum

1. Upplýsingar um umsagnir, röðun, hvernig við öflum tekna (og fleira) má finna í Hvernig við störfum, sem er líka hluti af skilmálum okkar.

D1. Umfang þessa hluta

1. Þessi hluti inniheldur sértæk hugtök yfir vörur og þjónustu bílaleiga. Hann gildir ásamt hluta A (sem gildir um alla ferðaupplifun).

D2. Samningssamband

1. Booking.com Transport Limited rekur bílaleigusíðurnar á Booking.com og Rentalcars.com. Fyrirtækið er skráð í Englandi og Wales (númer: 05179829) á eftirfarandi heimilisfang: 6 Goods Yard Street, Manchester, M3 3BG, Bretlandi. VSK-númer: GB 855349007. Þetta þýðir að þú samþykkir að bókun hjá Booking.com Transport Limited heyri undir þessa skilmála – þrátt fyrir að sjálf leigan heyri undir leigusamninginn við þjónustuaðilann (sem þú undirritar í upphafi).

2. Þegar þú bókar bílaleigubíl er bókun þín ýmist (a) hjá okkur eða (b) beint hjá þjónustuaðilanum. Hvort sem er:

• skilmálar okkar gilda um notkun vettvangsins fram að því að þú sækir bílaleigubílinn;
• gildir leigusamningurinn um bílaleiguna sjálfa; þegar þú undirritar hann á afgreiðslu bílaleigunnar gerir þú samning við þjónustuaðilann (en þú sérð og samþykkir aðalskilmála hans á meðan þú bókar bílinn þinn).

Í hluta D þýðir „þjónustuaðili“ bílaleigufyrirtækið sem leigir þér bílinn.

3. Í flestum tilfellum færðu bókunarstaðfestingu strax og bókun er lokið – en ef þjónustuaðilinn staðfestir ekki bílaleiguna strax tökum við hvorki við greiðslu né sendum þér bókunarstaðfestingu fyrr en hún hefur gert það.

4. Ef misræmi er á milli þessara skilmála og leigusamningsins þá gildir leigusamningurinn.

5. Aðalbílstjórinn (einstaklingurinn sem upplýsingar voru slegnar inn um í bókunarferlinu) er eina manneskjan sem getur breytt eða afpantað bókunina eða rætt við okkur – nema hann tilkynni okkur að einhverjum öðrum hafi verið falið verkefnið.

D3. Það sem við gerum

1. Við leggjum fram vettvanginn þar sem þjónustuaðilar geta kynnt og selt ferðaupplifun sína – og þú getur leitað að, borið saman við og bókað hana.

2. Við ábyrgjumst ekki nákvæmlega gerð og tegund sem þú bókar (nema við höfum sagt það skýrum orðum). Orðin „eða svipað“ þýðir að þú gætir fengið svipaðan bíl (þ.e. sömu stærð með sams konar skiptingu o.s.frv.). Þannig að myndir af bílum eru aðeins til skýringar.

3. Þegar þú hefur bókað bílaleigubílinn:

• látum við þjónustuaðilann fá bókunarupplýsingarnar (t.d. nafn og símanúmer aðalbílstjórans)
• staðfestum við afhendingarupplýsingarnar (t.d. tengiliðsupplýsingar þjónustuaðila og það sem þú þarft að hafa meðferðis).

D4. Það sem þú þarft að gera

1. Þú verður að veita allar upplýsingar sem við þurfum til að sjá um bókun þína (tengiliðsupplýsingar, móttökutíma o.s.frv.).

2. Þú verður að kynna þér og samþykkja að fylgja þessum skilmálum og leigusamningnum - og fallast á að brjótir þú þá:

• gætir þú þurft að greiða viðbótargreiðslur
• gæti bókun þín orðið ógild
• gæti starfsfólk í afgreiðslunni neitað að afhenda lyklana í afgreiðslu bílaleigunnar.

3. Þú verður að kanna sérkröfur bílaleigunnar sem og ýmsar upplýsingar (ökuskírteini, upphæð öryggistryggingar, nauðsynlega pappíra, samþykkt greiðslukort o.s.frv.) sem eru breytilegar eftir bílaleigum. Passaðu sérstaklega að lesa:

• þessa skilmála
• aðalskilmála leigusamningsins sem þú skoðar við bókun og
• leigusamninginn sjálfan sem þú færð þegar tekið er við bílnum.

4. Þú verður að mæta í afgreiðslu bílaleigunnar á þeim tíma sem þú átt að taka við bílnum (athugaðu að sumir þjónustuaðilar geta gefið frest ef þú verður fyrir töfum). Ef þú mætir of seint til að taka við bílnum (og eftir að fresturinn er liðinn, ef við á) er ekki víst að bíllinn sé tiltækur og hugsanlega áttu ekki rétt á endurgreiðslu frá þjónustuaðilanum. Skoðaðu leigusamninginn til að fá frekari upplýsingar (skoðaðu „Mikilvægar upplýsingar“ þegar þú bókar bílinn, þar sem greint er frá mögulegum fresti, og sem þú samþykkir þegar bókunin er afgreidd). Ef þú telur að þú gætir orðið of sein(n) er mikilvægt að hafa samband við þjónustuaðilann eða okkur, jafnvel þótt það sé vegna flugseinkunar og þú hafir sagt frá flugnúmeri þínu.

5. Lykilatriði í leigusamningnum segja þér hvað aðalbílstjóri þarf þegar tekið er við bílnum. Þú verður að tryggja þegar hann kemur að afgreiðsluborðinu að hann sé með allt sem þarf (t.d. ökuskírteini, nauðsynleg skilríki og kreditkort á sínu nafni með nægilegri heimild til að standa undir framlagðri tryggingu).

6. Þú verður að tryggja að aðalbílstjóri sé hæfur og í ástandi til að aka bílnum.

7. Þú verður að sýna afgreiðslufólkinu fullgilt ökuskírteini hvers bílstjóra, sem hann verður að hafa verið með a.m.k. í 1 ár (eða lengur í mörgum tilfellum). Ef einhver bílstjóri er með refsipunkta á ökuskírteini sínu skaltu láta okkur vita um leið og þú veist af því, þar sem þjónustuaðilinn leyfir honum e.t.v. ekki að keyra.

8. Þú verður að tryggja að allir bílstjórar með ökuskírteini gefið út í Englandi, Skotlandi eða Wales fái „ökusögu“ ekki eldri en 21 dags gamla þegar tekið er við bílnum.

9. Þú verður að tryggja að allir bílstjórar séu með eigið alþjóðlegt ökuleyfi (ef þess þarf) sem og ökuskírteini. Athugaðu að allir bílstjórar verða ávallt að hafa meðferðis ökuskírteini sitt (og alþjóðlega ökuskírteinið, ef þess þarf).

10. Þú verður að tryggja að fyrir öll börn séu viðeigandi barnabílstólar eða sæti eftir þörfum.

11. Þú verður, ef eitthvað fer úrskeiðis á leigutímanum (slys, bilun o.s.frv.):

• að hafa samband við þjónustuaðilann
• að heimila ekki neinar viðgerðir án samþykkis þjónustuaðila (nema leigusamningurinn leyfi það)
• að halda til haga öllum gögnum (viðgerðarreikningum, lögregluskýrslu o.s.frv.) til að láta okkur, þjónustuaðila og/eða tryggingafélag hafa.

D5. Verð og greiðslur

1. Ef greiðsla er tekin við bókun verður Booking.com Transport Limited skráður seljandi. Nánari upplýsingar um greiðsluferlið okkar er að finna í „Greiðsla“ (A8).

Viðbótarkostnaður og -gjöld

2. Í mörgum tilfellum tekur þjónustuaðili sérstakt gjald af ungum bílstjórum sem eru undir tilteknum aldri (t.d. 25). Í sumum tilfellum getur þjónustuaðili tekið gjald af eldri bílstjóra sem er yfir tilteknum aldri (t.d. 65). Þegar bókað er á vettvangi okkar þarf að færa inn aldur aðalbílstjóra svo að við getum birt þér upplýsingar um aldurstengd gjöld – sem greiða þarf þegar tekið er við bílnum.

3. Í mörgum tilfellum tekur þjónustuaðilinn skilagjald ef bílnum er skilað á öðrum stað en tekið var við honum. Ef þú ætlar að gera slíkt þarftu að færa inn afhendingarstað við bókun svo að við getum sagt þér hvort það sé hægt og birta þér upplýsingar um skilagjald – sem þú borgar þegar tekið er við bílnum.

4. Í mörgum tilfellum tekur þjónustuaðilinn landamæragjald fyrir að fara með bílinn í annað land/ríki/eyju. Ef þú ætlar að gera það er mikilvægt að segja okkur og/eða þjónustuaðilanum frá því sem fyrst (og það áður en tekið er við bílnum).

5. Verð á bílaleigubílnum er reiknað miðað við sólarhringseiningar, þannig að (t.d.) 25 klst. leiga kostar sama og 2 sólarhringa leiga.

6. Ef þú ákveður, eftir að hafa tekið við bílnum, að þig langi að halda bílnum lengur skaltu hafa samband við þjónustuaðilann. Hann segir þér hve mikið það myndi kosta og þú yrðir að gera nýjan samning við hann. Ef þú skilar bílnum seint án þess að semja um það fyrir fram getur hann einnig tekið af þér viðbótargjald.

Aukaþjónusta

7. Í sumum tilfellum borgar þú fyrir allt sem er í boði aukalega (barnabílstóla, GPS, vetrardekk o.s.frv.) þegar þú bókar bílinn – en þá er þér líka tryggt að fá það þegar þú tekur við bílnum.

8. Í öðrum tilfellum þarftu aðeins að biðja um aukaþjónustuna þegar þú bókar bílinn – en þá:

• borgar þú þegar tekið er við bílnum og
• þjónustuaðilinn ábyrgist ekki að slíkt verði tiltækt fyrir þig.

D6. Breytingar, afpantanir og endurgreiðslur

1. Við teygjum okkur lengra en lagaleg skylda okkar segir til um. Jafnvel þótt gildandi lög geri okkur ekki skylt að bjóða sérstakan afpöntunarrétt, ábyrgjumst við að staðið verði við endurgreiðsluskilmála okkar ef þú afpantar.

2. Eftirfarandi „afpöntunar- og breytinga-“skilmálar eiga við um allar bókanir nema:

• þar sem kreditkorts er krafist til að bóka með greiðslu við afhendingu (afpöntunarstefnan fer eftir þjónustuaðilanum og upplýsingar verða gerðar aðgengilegar í bókunarferlinu); og
• Bókanir merktar „óendurgreiðanlegar“ (þú getur ekki breytt óendurgreiðanlegri bókun og þú getur ekki búist við endurgreiðslu ef þú afpantar hana).

Afpantanir

3. Ef þú hættir við:

• MEIRA EN tveimur sólarhringum áður en leigutíminn hefst færðu fulla endurgreiðslu.
• MINNA EN tveimur sólarhringum áður en þú kemur á afgreiðslu bílaleigunnar endurgreiðum við það sem þú greiddir að frádregnum kostnaði þriggja daga af leigutímanum - þannig að engin endurgreiðsla verður ef bíllinn var bókaður í 3 daga eða skemur.
• EFTIR að útleiga á að hefjast (eða þú mætir ekki) færðu enga endurgreiðslu.

4. Afgreiðslufólkið getur neitað þér um bílinn ef (til dæmis):

• Þú kemur ekki tímanlega
• Þú ert ekki hæf/ur til að leigja bílinn
• Þú ert ekki með gögnin sem þú þarft
• Aðalbílstjóri er ekki með kreditkort á eigin nafni með nægri heimild til að greiða öryggistryggingu.

Frekari upplýsingar um reglur þjónustuaðilans má finna í „Mikilvægar upplýsingar“ sem sjást þegar bókunin er gerð – eða í leigusamningnum sem þú undirritar við afgreiðsluborðið.

Ef þér er neitað um bílinn skaltu hringja strax í okkur frá afgreiðsluborði bílaleigunnar til að afpanta bókunina og við munum endurgreiða þér það sem þú borgaðir, fyrir utan 3 daga kostnað af leigunni. Ella áttu ekki rétt á neinni endurgreiðslu.

Leiðréttingar (breytingar á bókun þinni)

5. Þú getur breytt bókun þinni hvenær sem er áður en þarf að taka við bílnum.

6. Í flestum tilfellum er auðveldast að gera það í gegnum appið okkar – eða vefsíðuna (undir „Hafa umsjón með bókun“).

7. Ekkert umsýslugjald er fyrir að breyta bókun þinni, en hvers kyns breytingar sem þú gerir geta haft áhrif á leiguverðið. Stundum er eina leiðin til að breyta bókun að ógilda hana og bóka aftur, en þá gætum við þurft að taka gjald fyrir afpöntun fyrir hönd bílaleigunnar.

8. Ef breyting á bókun þinni breytir verðinu eða stofnar til afpöntunargjalds látum við þig vita fyrir fram.

Breytingar sem við gerðum

9. Ef við eða þjónustuaðilinn þurfum að breyta bókun þinni (t.d. ef þjónustuaðilinn getur ekki útvegað bílinn) látum við þig vita eins fljótt og við getum. Ef þú samþykkir ekki þá breytingu áttu rétt á að hætta við og krefjast fullrar endurgreiðslu (alveg sama hve nálægt upphafsdegi leigutímabils þíns er komið) en við berum enga aukabótaskyldu vegna beins eða óbeins kostnaðar sem þú stofnaðir til (t.d. hótelherbergi eða leigubílar).

D7. Hvað annað þarftu að vita?

Almennt

1. Í öllu falli verða ökumenn að vera yfir lágmarksaldri til að taka á leigu eða aka bíl. Í sumum tilfellum verða þeir einnig að vera undir hámarksaldri. Takmörkin geta verið mismunandi eftir þjónustuaðila, staðsetningu og gerð bíls.

2. Aðeins hæfir bílstjórar sem nafngreindir eru í leigusamningnum mega aka bílnum.

3. Þú mátt ekki fara með bílinn til annars lands/ríkis/eyjar og/eða skila honum annars staðar án þess að ganga frá slíku áður.

Síðbúin móttaka bíls eða snemmbúin skil

4. Ef þú tekur við bíl síðar (hluti D4.4) eða skilar fyrr en samið var um í bókunarstaðfestingu endurgreiðir þjónustuaðili þér ekki fyrir „ónotaðan“ tíma.

Svona vinnum við

5. Upplýsingar um umsagnir, röðun, hvernig við öflum tekna (og fleira) má finna í Hvernig við störfum, sem er líka hluti af skilmálum okkar.

E1. Umfang þessa hluta

1. Þessi hluti inniheldur sértæk hugtök yfir flugtengdar vörur og þjónustu. Hann gildir ásamt hluta A (sem gildir um alla ferðaupplifun).

E2. Samningssamband

1. Flest flug á vettvanginum koma frá samleiði þriðja aðila sem kemur fram sem milliliður við flugfélag(-félög).

2. Þegar þú bókar gerir þú það beint hjá flugfélaginu. Við erum ekki „samningsaðili“ að bókun þinni. Við bókun gengur þú inn í (i) milliliðasamning við samleiði þriðja aðila (vegna flugmiða) og (ii) flutningssamning við flugfélag (vegna flugsins sjálfs).

3. Ef þú bókar eitthvað aukalega (aukafarangur, tryggingu o.s.frv.) gengur þú inn í beinan samning við samleiði þriðja aðila eða annað fyrirtæki. Við verðum ekki aðili að þessum samningi.

4. Við komum einungis fram sem vettvangurinn og erum ekki aðili að skilmálum þriðja aðila. Við berum hvorki ábyrgð á miðanum þínum né neinu aukalega sem þú hugsanlega kaupir og erum ekki (eftir því sem lög framast leyfa) bótaskyld gagnvart þér hvað varðar bókun þína.

E3. Það sem við gerum

1. Við leggjum fram vettvanginn þar sem þjónustuaðilar geta kynnt og selt ferðaupplifun sína, og þú getur leitað að, borið saman við og bókað hana.

2. Þegar þú hefur bókað flugið þitt verða bókunarupplýsingar þínar (t.d. nöfn ferðalangs(-a)) afhentar þjónustuaðila.

3. Það fer eftir flutningssamningnum hvort við getum hjálpað þér að breyta eða hætta við bókun þína ef þú vilt það. Hafðu samband við okkur í gegnum hjálparsíðuna (opin 24 tíma sólarhringsins) ef þú þarft aðstoð við eitthvað.

E4. Það sem þú þarft að gera

1. Þú verður að færa inn réttar tengiliðsupplýsingar svo að við og/eða þjónustuaðilinn getum veitt þér upplýsingar um bókun þína og ef nauðsyn krefur haft samband við þig.

2. Þú verður að kynna þér og fallast á að fylgja skilmálum okkar og þriðja aðila (sem birtast við útskráningu) – og undirgangast að brot á þeim geti leitt til viðbótargjaldfærslu og/eða afpöntunar á bókun þinni.

E5. Verð og greiðslur

1. Þegar þú bókar flug skipuleggjum við, samleiðir þriðja aðila (eða aðili tilnefndur af honum) eða þriðji aðili, svo sem flugfélag, greiðsluna þína. Upplýsingar um hvernig við sjáum um greiðslur (þ.m.t. um tengdan rétt og skyldur) sjá „Greiðsla“ (A8).

E6. Breytingar, afpantanir og endurgreiðslur

1. Hægt er að finna afpöntunarskilmálana í flutningssamningnum á milli þín og flugfélagsins. Þeir eru tiltækir þegar þú bókar flugið og þegar flugið hefur verið staðfest (á síðunni „Hafa umsjón með bókun“).

2. Vera má að gjald sé tekið fyrir að breyta eða hætta við flugið þitt.

3. Flugfélög áskilja sér réttinn til að breyta eða aflýsa flugi í samræmi við skilmála og skilyrði flugfélagsins, flutningssamningsins eða stefnur flugfélagsins.

4. Mismunandi flugmiðar frá sama flugfélagi geta verið með mismunandi takmörkunum eða innifalið mismunandi þjónustu. Gættu þess að lesa allar upplýsingarnar sem eru gefnar í bókunarferlinu.

5. Ef þú ert með spurningar um breytingar, afpantanir eða endurgreiðslur skaltu hafa samband við teymi í þjónustuveri okkar.

E7. Hvað annað þarftu að vita?

Sameiginleg flugnúmer

1. Sum flugfélög eru með samninga við önnur flugfélög um „sameiginleg flugnúmer“. Þannig geturðu keypt flugmiða hjá einu flugfélagi („flugmiðaflugfélag“ þitt) en flogið með flugvél í eigu annars flugfélags („rekstrarflugfélags“ þíns). Í flestum tilfellum sem þessu innritar þú þig hjá rekstrarflugfélagi þínu – en staðfestu það endilega hjá flugmiðaflugfélagi þínu fyrir fram.

2. Á meðan þú ert að bóka flugið þitt verðurðu látinn vita hvort það er flug með „sameiginlegu flugnúmeri“.

Forboðið háttalag í flugferðum

3. Flest flugfélög banna fólki að kaupa miða með flugi sem það ætlar ekki að nota – til dæmis flug fram og til baka ef viðkomandi ætlar ekki að nota flugið til baka. Fleiri dæmi má finna með því að slá inn „point-beyond ticketing“, „hidden-city ticketing“ eða „back-to-back ticketing“ í leitarvél.

4. Þegar þú kaupir flug samþykkir þú að gera þetta ekki. Ef þú gerir þetta í trássi við skilmála flugfélagsins (sem eru gefnir upp þegar þú gerir bókunina) þarftu að endurgreiða okkur mismuninn á kostnaðinum við raunverulegt ferðalag þitt og kostnaðinum við allt ferðalagið sem er tilgreint á flugmiðanum (-miðunum) ef flugfélagið gerir kröfu um kostnaðinn til okkar.

Bandaríkin ATHUGASEMD - YFIRBÓKUN Í FLUG:

Flugferðir kunna að vera yfirbókaðar og það eru örlitlar líkur á að sæti sé ekki fáanlegt í flugferð fyrir einstakling með staðfesta bókun. Ef flugið er yfirbókað verður engum hafnað um sæti fyrr en starfsmaður flugfélagsins biður fyrst um sjálfboðaliða sem vilja hætta við bókunina í skiptum fyrir þóknun að vali flugfélagsins. Ef ekki finnast nógu margir sjálfboðaliðar mun flugfélagið neita öðrum einstaklingum um að ganga um borð í samræmi við eigin forgangsröðun. Einstaklingar sem er neitað að ganga um borð gegn eigin vilja eiga rétt á þóknun, með fáum undantekningum, þar á meðal ef farið var yfir lokafrest flugfélagsins til innritunar. Finna má allar reglur um greiðslur þóknunar og forgangsröðun flugfélagsins til að ganga um borð á afgreiðsluborðum flugvallarins og hjá flugvallarhliðum. Sum flugfélög nota ekki þessi neytendaréttindi til ferðalaga frá ákveðnum erlendum löndum, en önnur neytendaréttindi gætu þó enn verið í gildi. Leitaðu upplýsinga hjá flugfélaginu þínu eða ferðafulltrúa.

Notkun flugleggja

5. Flest flugfélög skylda viðskiptavini að nota flug sín í réttri röð. Þannig að takir þú ekki fyrsta flugið gæti flugfélagið sjálfkrafa ógilt afganginn af ferðaáætlun þinni.

6. Ef flugfélagið leyfir þér að „sleppa“ einhverju flugi úr ferðaáætlun þinni skaltu tryggja að þú afpantir flug sem þú vilt ekki og er í samræmi við afpöntunarskilmála. Athugaðu að vera má að þú eigir ekki rétt á fullri endurgreiðslu (ef einhverri endurgreiðslu) fyrir ónotuðu flugin.

Miðar aðra leiðina

7. Ef þú kaupir tvo miða aðra leiðina fremur en einn miða fram og til baka:

• ertu að framkvæma tvær aðskildar bókanir, hvora með eigin reglur og skilmála
• hafa hvers kyns breytingar á einu flugi ekki áhrif á hitt (til dæmis ef hætt er við upphaflegt flug þitt er þér ekki tryggð endurgreiðsla fyrir seinna flugið).

8. Ef þú ferðast erlendis geturðu þurft að sanna fyrir starfsfólki í innritun og/eða útlendingaeftirliti að þú eigir flug til baka (sjá „alþjóðleg ferðalög“ varðandi vegabréf, áritanir, o.s.frv.).

Gjaldfærslur, skattar og gjöld

9. Í fargjaldinu eru innifaldir skattar og gjöld sem flugfélagið innheimtir eða ríkið (nema komu/brottfarargjöld - sjá „Komu-/brottfarargjöld“). Þú gætir borið ábyrgð á að eiga við afturkræfar breytingar á skattaprósentu.

Þjónustugjöld

10. Við og/eða samleiðir þriðja aðila getum rukkað um þjónustugjald eftir því hvaða flug þú velur.

• Þjónustugjald okkar (ef eitthvert er) er gjald fyrir að nota vettvang okkar til að þú getir keypt miða frá samleiði þriðja aðila. Í gjaldinu eru innifaldir VSK/vöru- og þjónustuskattar/svipaðir skattar.
• Þjónustugjald samleiðis þriðja aðila (ef eitthvert er) er gjald fyrir að nota hann sem millilið við flugfélagið (-félögin). Í gjaldinu eru hugsanlega innifaldir VSK/GST/svipaðir skattar.

11. Verð miðans er með allt þjónustugjald innifalið.

12. Þú verður að koma fram í hlutverki þínu sem einkaneytandi til að kaupa vörur og þjónustu flugs á vettvangi okkar. Einkaneytandi er, öfugt við fyrirtæki, einstaklingur sem fer í lögleg viðskipti í tilgangi sem er aðallega utan viðskiptalegrar og/eða sjálfstætt starfandi starfsemi.

Farangursgjöld og önnur aukaþjónusta

13. Flugfélag þitt gæti tekið greiðslu fyrir innritaðan farangur, yfirvigt á farangri, forgang við brottför, úthlutun sæta, skemmtun um borð, mat og drykk og/eða innritun á flugvelli.

14. Ef svo er gert kemur (koma) gjaldið (gjöldin) ofan á miðaverðið (nema það komi skýrt fram að aukagjöld séu innifalin í flugmiðaverði)

SÉRSTAKAR TAKMARKANIR UM FARANGURSÁBYRGÐ FYRIR FERÐIR Í BANDARÍKJUNUM: Fyrir innlent flug í Bandaríkjunum krefjast alríkislög þess að hámarksupphæð farangursábyrgðar verði að minnsta kosti 3.800 USD á farþega, eða upphæðin sem er tilgreind í 14 CFR 254.5.

Kröfur þegar gengið er um borð

Það verður að fara eftir öllum gildandi kröfum flugfélagsins þegar gengið er um borð, þar á meðal um innritunarfrest og frestinn til að mæta að hliðinu. Þú verður að tryggja að þú mætir á flugvöllinn tímanlega til að uppfylla allar kröfur til að ganga um borð.

Ef þú uppfyllir ekki skilyrði um kröfur þegar gengið er um borð getur flugfélagið aflýst ferðaáætlun þinni.

Alþjóðleg ferðalög

15. Það er á þína ábyrgð að:

• vera með gilt vegabréf og/eða áritun ef þess er þörf
• fylgja öllum innritunarkröfum
• athuga hvort þú þarft vegabréfsáritun til að komast í land sem er ekki lokaáfangastaður þinn
• kanna fyrir fram hjá viðkomandi sendiráði hvort breytingar hafi orðið á kröfum um vegabréf, áritanir eða komur
• athuga hvers kyns viðvaranir eða ráð frá aðseturslandi/upprunalandi þínu áður en þú ferð til/í gegnum land eða svæði.

16. Með því að skipuleggja ferð til eða frá einhverjum stað er ekki tryggt að það sé án áhættu – og eftir því sem lög framast leyfa erum við ekki bótaskyld fyrir tjóni eða tapi sem stafar af því.

17. Það er ekki algengt en alþjóðalög leyfa „skordýraeyðingu“ í flugvél til að drepa skordýr. Til þess gæti starfslið þurft að úða farþegarými með skordýraeitri á meðan farþegar eru um borð eða fara yfir innra yfirborð með yfirborðsvirku skordýraeitri þegar farþegar eru ekki um borð. Áður en þú leggur í ferð ráðleggjum við þér að kynna þér skordýraeyðingu ásamt því hvar slíkt gæti gerst.

Ráðleggingar um takmörkun á ábyrgð gagnvart farþegum í alþjóðlegu flugi:

Farþegum á ferðalagi með lokaáfangastað eða millilendingu í öðru landi en brottfararland er ráðlagt að ákvæði alþjóðasamninga (Varsjársáttmálans, Montreal-sáttmálans frá 1999, eða annarra samninga) og flutningssamnings flugfélagsins eða verðskrár, kunna að gilda um allt ferðalagið, þar á meðal legginn sem er innan brottfararlands og áfangastaðar. Viðeigandi samningur gildir og kann að takmarka ábyrgð flugfélaga gagnvart farþegum vegna dauðsfalls eða líkamsáverka, eyðileggingar, taps, eða skemmda á farangri, og vegna tafa á farþegum og farangri.

Yfirleitt er hægt að afla frekari verndar með því að kaupa tryggingu frá einkafyrirtæki. Takmarkanir á ábyrgð flugfélagsins samkvæmt alþjóðasamningi hafa ekki áhrif á slíka tryggingu. Nánari upplýsingar má finna hjá flugfélaginu eða fulltrúa tryggingafélags.

Hættulegur varningur/hættuleg efni

Bandaríkin alríkislög banna flutning hættulegra efna í farangri eða á fólki um borð í flugvélum. Brot getur leitt til fimm ára fangelsis og sekta allt að 250.000 USD eða hærri (49 U.S.C. 5124). Hættuleg efni eru meðal annars sprengiefni, lofttegundir undir þrýstingi, eldfimir vökvar og föst efni, oxandi efni, eitur, ætandi og geislavirk efni. Dæmi: Málning, eldsneyti fyrir kveikjara, flugeldar, táragas, súrefniskútar og geislavirk lyf. Lithíumrafhlöður mega ekki vera í innrituðum farangri. Til eru sérstakar undantekningar fyrir efni í litlu magni (allt að 70 únsur alls) fyrir lyf og snyrtivörur í farangri og tilteknar reykingavörur sem þú hefur á þér.

Nánari upplýsingar má finna hjá flugfélaginu eða á https://www.faa.gov/hazmat/packsafe/.

Komu-/brottfarargjöld

18. Í fargjaldinu er ekki innifalið nokkurt gjald þar sem land eða flugstöð tekur greiðslu af fólki fyrir komu/brottför af landinu og sem er innheimt beint á flugvellinum. Áður en þú ferðast ráðleggjum við þér að kynna þér hvort þú þurfir að greiða þess konar gjald.

ESB: Réttindi farþega samkvæm ESB-reglugerð 261/2004

19. Ef flugi þínu seinkar eða er aflýst eða þér hefur verið neitað um að fara um borð gætir þú átt rétt á bótum/aðstoð samkvæmt ESB-reglugerð 261/2004 ef:

• Þú ert að fljúga inn til Evrópusambandsins (ESB)
• Þú ert að fljúga út úr ESB
• Flug þitt er með ESB-flugfélagi

ESB: Bótaskylda flugfélaga samkvæmt ESB-reglugerð 889/2002

20. Ef slys verður innan ESB gæti ESB-reglugerð 889/2002 átt við um þig.

ESB: Réttindi fólks með fötlun eða skerta hreyfigetu á ferðalögum með flugi samkvæmt ESB-reglugerð 1107/2006

21. ESB-reglugerð 1107/2006 veitir fólki með fötlun eða skerta hreyfigetu tiltekin réttindi.

Svona vinnum við

22. Upplýsingar um umsagnir, stöðu í leitarniðurstöðum, hvernig við öflum tekna (og fleira) má finna í Svona vinnum við, sem er líka hluti af skilmálum okkar.

F1. Umfang þessa hluta

1. Þessi hluti inniheldur sértæk hugtök yfir einka- og almenningssamgöngur og þjónustu. Hann gildir ásamt hluta A (sem gildir um alla ferðaupplifun).

F2. Samningssamband

1. Þegar þú bókar einka- eða almenningssamgöngur fyrir fram verður bókunin þín beint hjá þjónustuaðilanum eða í gegnum samleiði þriðja aðila sem mun úthluta bókun þinni til þjónustuaðila. Í öllum tilfellum gilda okkar skilmálar við bókunarferlið.

2. Fyrir fram bókaður einkaakstur. Bæði þú og þjónustuaðilinn samþykkið að fylgja þessum skilmálum. Með því að bóka staðfestir þú að þú hafir kynnt þér og samþykkt skilmála þjónustuaðilans eða samleiði þriðja aðila (þar sem við á). Ekki eru allir þjónustuaðilar með eigin skilmála, en þér er velkomið að kanna alla skilmálana sem við höfum fengið.

3. Almenningssamgöngur. Þú færð að vita um skilmála þjónustuaðilans í bókunarferlinu. Ef misræmi er á milli skilmála hans og okkar gilda skilmálar hans.

F3. Það sem við gerum

1. Við leggjum fram vettvanginn þar sem þjónustuaðilar geta kynnt og selt ferðaupplifun sína – og þú getur leitað að, borið saman við og bókað hana.

2. Þegar þú hefur lokið bókun afhendum við þjónustuaðilanum allar upplýsingar þínar (t.d. nafn þitt, símanúmer og afhendingarstað bílaleigubíls).

3. Allur einkaakstur: Við veitum þér tengiliðsupplýsingar þjónustuaðilans.

4. Fyrir fram bókaður einkaakstur: Við göngum úr skugga um að þjónustuaðilinn viti hvaða stærð af ökutæki þú fórst fram á.

5. Almenningssamgöngur: Við látum þig fá (eða segjum þér hvernig ná skuli í) miðann(miðana) þinn(þína).

F4. Það sem þú þarft að gera

1. Þú þarft að kanna vel upplýsingarnar í bókun þinni og veita allar upplýsingar sem við þurfum til að sjá um bókun þína (þarfir þínar, tengiliðsupplýsingar o.s.frv.).

2. Þú þarft að tryggja að allir í þínum hópi fylgi skilmálum okkar og (eftir því sem við á) skilmálum þjónustuaðilans sem þú sást og samþykktir í bókunarferlinu. Þú fellst á að brjótir þú þá:

• gætir þú þurft að greiða viðbótargreiðslur
• gæti bókun þín orðið ógild
• gæti bílstjórinn neitað að aka þér.

3. Hafa ber í huga að áætlaðir ferðatímar taka ekki með í reikninginn aðstæður í umferðinni.

4. Allur einkaakstur: Tryggja þarf að allir farþegar séu stundvísir á brottfararstað.

5. Allur einkaakstur: Á og kringum móttökutíma verðurðu að vera með síma (en númer hans færðir þú inn þegar þú bókaðir) sem kveikt er á og hægt að taka á móti hringingum/textaboðum ef bílstjóri skyldi þurfa að ná sambandi við þig. Við getum ekki tryggt að bílstjóri nái sambandi í gegnum skilaboðaforrit á borð við WhatsApp eða Viber.

6. Fyrir fram bókaður einkaakstur: Ef brottfararstaður er flugvöllur þarftu að gefa upp flugupplýsingar a.m.k. 1 sólarhring fyrir brottfarartíma svo að þjónustuaðilinn geti aðlagað móttökutímann að seinkuðu flugi. Ef ekki er hægt að veita einkaakstur eftir seinkun á flugi eða aflýsingu skal hafa samband við teymi í þjónustuveri okkar.

7. Almenningssamgöngur: Þú verður að ganga úr skugga um að allir farþegar komi tímanlega svo að nægur tími gefist til að taka við miðum eftir þörfum.

8. Þú verður að vera 18 ára eða eldri til að bóka, en allir farþegar undir 18 ára aldri verða að vera í fylgd með ábyrgum fullorðnum einstaklingi.

9. Þú verður að tryggja að enginn farþegi hegði sér með óviðeigandi hætti – sé t.d. móðgandi eða geri eitthvað sem gæti stofnað einhverjum í hættu.

10. Þú þarft að tryggja að valdar séu almenningssamgöngur-/einkaakstur sem henta (hvað varðar stærð, farangursmagn, aðgengismál o.s.frv.).

F5. Verð og greiðslur

1. Booking.com Transport Limited mun afgreiða greiðsluna fyrir bókunina. Varðandi upplýsingar um greiðsluferli sjá „Greiðsla“ (A8).

2. Fyrir fram bókaður einkaakstur: Innifalið í verðinu eru allir tollar, gjöld fyrir álagsumferðarsvæði, skattar og árstíðabundin aukagjöld. Greiðsla fer fram við bókun. Verð fyrir sameiginlega fyrir fram bókaða einkaakstursþjónustu verður fyrir hvert sæti.

3. Almenningssamgöngur: Tekið er við greiðslu þegar bókun er staðfest. Fyrir brottför getur þjónustuaðili þurft að sjá miða/rafræna(n) miða. Vertu ávallt með miðann(-ana) á þér ella gætir þú þurft að greiða aftur.

4. Þjónustuaðili/bílstjóri þarf ekki að fallast á breytingar á ferðinni sem þú ferð fram á persónulega. Ef það er gert gæti það kostað aukalega.

F6. Breytingar, afpantanir og endurgreiðslur

Afpöntun

1. Í flestum tilfellum:

• Fyrir fram bókaður einkaakstur: Hægt er að afpanta ókeypis sólarhring fyrir brottför (í sumum tilfellum 2 klst. – athugaðu staðfestinguna). Ef ekki er afpantað tímanlega áttu ekki rétt á endurgreiðslu.
• Almenningssamgöngur: Þú átt ekki rétt á endurgreiðslu þegar bókunin þín hefur verið staðfest. Ef áætlanir þínar breytast skaltu hafa samband við þjónustuver okkar og ræða valkosti sem gætu verið í boði.

2. Ef þjónustuaðilinn þinn eða samleiðir þriðja aðila er með aðra afpöntunarskilmála (sem þú skoðar við bókun) gilda skilmálar þeirra í staðinn.

3. Við og/eða þjónustuaðilinn getum afpantað bókun með litlum eða engum fyrirvara – en það myndi aðeins gerast við afar sérstakar aðstæður. Til dæmis ef:

• þjónustuaðilinn fer í greiðsluþrot eða er sannlega ófær um að standa við bókun þína – en þá gerum við okkar besta til að finna annars konar flutning (og við endurgreiðum þér að fullu ef það er ekki hægt)
• þú brýtur gegn þessum skilmálum og/eða skilmálum þjónustuaðilans – en í því tilfelli áttu hugsanlega ekki rétt á endurgreiðslu.

4. Ef margir miðar hafa verið keyptir fyrir sameiginlegan fyrir fram bókaðan einkaflutning, og ef þú afpantar, verða allir miðar afpantaðir.

Leiðréttingar (breytingar) fyrir upphaf ferðar

5. Fyrir fram bókaður einkaakstur: Rafrænn staðfestingarpóstur segir þér hve langan frest þú þarft að gefa (fyrir móttökutíma) til að biðja um einhvers konar breytingar á bókun þinni (svo sem staðsetningu eða tímasetningu).

6. Almenningssamgöngur: Ekki er hægt að breyta bókun þegar búið er að staðfesta hana.

7. Ef við/þjónustuaðilinn þurfum að breyta bókun þinni (til dæmis ef það er verkfall sem truflar ferðalag þitt) látum við þig vita eins fljótt og við getum. Ef þú síðan ákveður að afpanta:

• Hvers kyns flutning: Þú átt rétt á endurgreiðslu (sama hve stutt er í ferð þína) nema þú afpantir vegna einhverrar af ástæðunum í næsta lið.
• Hvers kyns einkaakstur: Ef breytingin er einfaldlega nýr bílstjóri, nýr þjónustuaðili eða nýtt (svipað) ökutæki áttu ekki rétt á endurgreiðslu (nema þú afpantir með nægilegum fyrirvara).

Í hvorugu tilfellinu verðum við eða þjónustuaðilinn bótaskyld vegna kostnaðar sem þú stofnaðir hugsanlega til (t.d. annar akstur eða hótelherbergi).

8. Ef margir miðar hafa verið keyptir fyrir sameiginlegan fyrir fram bókaðan einkaflutning verður öllum miðum breytt ef þú breytir bókuninni.

Endurgreiðsla

9. Ef þú vilt sækja um endurgreiðslu þarf að gera það skriflega ekki síðar en 14 dögum eftir brottfarartíma.

10. Það getur tekið allt að 5 virka daga áður en endurgreiðsla berst á reikning þinn.

11. Allur einkaakstur: Ef bílstjórinn þinn er ekki á brottfararstað á réttum tíma geturðu farið fram á endurgreiðslu og við könnum málið fyrir þig.

12. Allur einkaakstur: Þú átt ekki rétt á endurgreiðslu ef ferðin fer ekki eftir áætlun vegna þess að:

• bílstjórinn/þjónustuaðilinn náði ekki sambandi við þig
• einn eða fleiri farþegar eru ekki á brottfararstað í tíma og þú hefur ekki beðið um nýjan brottfarartíma
• þú ferð fram á ósanngjarnar breytingar á brottfarartíma eða ferðalagi
• þú tilkynnir ekki okkur/þjónustuaðila/ökumanni um breytingu sem þú óskar að gera
• þú gafst upp rangar upplýsingar þegar þú bókaðir einkaaksturinn (brottfararstað, tengiliðsupplýsingar, fjölda farþega, farangur o.s.frv.).

F7. Hvað annað þarftu að vita?

Fyrirfram bókaður einkaakstur

1. Vinsamlega skoðaðu staðfestingartölvupóstinn þinn til að athuga hversu lengi bílstjórinn bíður á brottfararstaðnum.

Gjöld fyrir viðgerðir og hreinsun

2. Ef gera þarf við eitthvað eða hreinsa af því að einhver í hópnum gerði eitthvað óeðlilegt eða brýtur þessa skilmála berðu ábyrgð á kostnaði við viðgerð eða hreinsun.

Svona vinnum við

3. Til að fá upplýsingar um umsagnir, stöðu í leitarniðurstöðum, hvernig við högnumst (og fleira), skal skoða Svona vinnum við.