Þetta fallega sumarhús „Harpa Holiday home“ er staðsett á norðvestur hluta landsins í Húsafelli þar sem náttúran skartar sínu fegursta og þar sem afþreying fyrir gesti er mikil. Sumarhúsið er vel búið öllum þægindum svo sem flatskjá og dvd spilara í fallegri setustofu og í eldhúsi er uppþvottavél, ískápur, eldavél og ofn, örbylgjuofn, kaffivél og í boði er kaffi og te. Baðherbergið er með rúmgóðri sturtu og heitum pott á veröndinni fyrir utan. Þrjú herbergi eru í sumarhúsinu með tveimur uppábúnum rúmum, kommóðu og tveim handklæðum og baðsloppi fyrir hvern gest. Þvottavél og þurrkari eru til afnota fyrir gesti hússins og grill aðstaða á stórri veröndinni. Útsýnið frá sumarhúsinu í suður er að bæjarfjallinu og í austur að jöklunum og kyrrðin í umhverfinu er einstök. Innifalið í verðinu er þrifgjald og skattar.

Á staðnum er níu holu golfvöllur í þriggja mínútna göngufæri og tvö golfsett eru til afnota fyrir gesti frítt. Sundlaug staðarins er í 5 mínutna göngufæri. Margar fallegar gönguleiðir eru í nágreninu. Ferðir í Íshellirinn sem er staðsettur á Langjökli eru í boði alla daga og aðrir undurfagrir staðir eins og Hraunfossar og Surtshellir eru í nokkurra kílómetra fjarlægð. Að vetrarlagi eru norðurljósin sérlega mikilfengleg.