Hekla Cabin er nýlegt hús sem valin var einstök staðsetning. Frá húsinu er hægt að horfa á fjallagarð þekktustu eldfjalla Íslands. Má þar nefna Hekla, Eyjafjallajökul og svo blasa Vestmannaeyjar við. Ekki bara útsýnið er fallegt heldur er staðsetningin frábær fyrir þá sem hafa hug á því að ferðast um Suðurland hvort sem er að staldra við eina nótt eða dvelja í nokkra daga og ferðast út frá bústaðnum. Hekla Cabin er á gatnamótum vegar nr.26 og aðalvegar nr.1 Staðsetning er miðsvæðis á Suðurlandi hvort sem þú ætlar að skoða Jökulsárlón, Vík, Reynisfjöru, Landmannalaugar, Þórsmörk eða Gullna hringinn. Ekki tekur nema 1 mínútu að keyra út frá aðalveginum nr 1 að bústaðnum. Jafnframt er stutt í sundlaugar frábær sundlaug á Hellu í 10 mín akstursfjarlægð. Húsið er með hjónarúmi og svo svefnsófa í stofu. Wifi er í húsinu ásamt sjónvarpi bluray spilara og eldunaraðstöðu. Rúmfatnaður og handklæði fylgja.

Velkomin til Hekla Cabin og takk fyrir að velja okkur. Við búum í einungis 2 mín akstursfjarlægð frá húsunum og þar sem þú ert gestur okkur þá hikarðu ekki við að hafa samband ef einhverjar spurningar vakna. Við getum ekki bara svarað spurningum um aðstöðuna heldur einnig um afþreyingu í nágrenninu, upplýsingar um staði og ferðamáta, hvort vegir séu færir eða hvaða leið er best að fara. Við þekkjum þetta allt mjög vel svo ekki hika við að hafa samband. Það er alltaf gaman að fá áhugasama ferðamenn um land og þjóð.

Afþreying sem má nefna eru alls konar hestaferðir eru í boði í nágrenninu. Margir áhugaverðir staðir til að fara í gönguferðir. Eldfjallið Hekla er ekki langt frá og þar er endalaust hægt að ganga um og skoða fallegt umhverfi. Einnig eru nokkrar sundlaugar, stutt að fara til fjalla á sumrin og stinga sér í laugin inni í Landmannalaugum. Stutt er í Secret Lagoon. All nokkrir veitingastaðir eru í nágrenninu og sniðugt að hafa samband og athuga hvað væri hentugast að fara miðað við væntingar um mat og verð. Einnig eru verslanir bæði á Selfossi og Hellu þar sem hægt er að kaupa inn bæði í nesti og í matinn. Við búum bara í 2 mín akstursfjarlægð frá húsinu og því ekkert mál að koma við í spjall ef þess er óskað til að aðstoða við ferðaskipulagningu.