Íslandsbærinn er fjögurra bursta bær í gömlum stíl en þó með þeim þægindum sem nútíminn býður uppá, tilvalinn fyrir fjölskyldur eða vini sem vilja láta fara vel um sig á yndislegum stað. Við bjóðum upp á fjögur herbergi með uppábúnum rúmum fyrir sjö til átta manns, hægt er að ganga út á verönd að heitum potti úr hverju herbergi. Á rúmum er merkt rúmföt og handklæði ásamt sloppum fyrir gesti. Tvö baðherbergi eru á staðnum með snyrtivörum, gestum að kostnaðarlausu. Rúmgóð forstofa, fullbúin þvottaaðstaða. Stofa, borðstofa og eldhúsið í Íslandsbænum inniheldur öll helstu þægindi til þess að þú/þið njótið veru ykkar sem allra best. Má þar nefna: vandaður borðbúnaður fyrir 12 manns, ísskápur með klaka og vatnsvél, vínkælir, örbylgjuofn, eldavél, bakaraofn svo eitthvað sé nefnt. Kaffi, te og súkkulaði er í boði hússins. Húsið er fallega innréttað, verk eftir listakonuna Sunnu Björk prýða veggi staðarins. Við húsið er meðal annars sólpallur með heitum potti, grillaðstöðu og skíðageymslu.

Íslandsbærinn er fjögurra bursta bær byggður 1997 í stíl gömlu torfbæjanna af Hreiðari Hreiðarssyni og hans fjölskyldu, þá sem veitingasalur. Bærinn hefur nú verið endurbyggður að verulegu leiti og tekin í gagnið aftur 2018 fyrir þá starfsemi sem rekin er þar í dag.

Íslandsbærinn er staðsettur 12 km frá Akureyri þar sem náttúran skartar sínu fegursta og veitir gestum tækifæri til að upplifa umhverfið. Í göngufjarlægð frá gististaðnum má finna sundlaug, íþróttahús, tjaldstæði, Bakgarðinn og Jólagarðinn, hægt er að ganga niður að Eyjafjarðará, einnig er stutt í merkta gönguleið á Bónda og Krumma. Þá er stutt í alla þjónustu og afþreyingu sem Akureyri býður uppá. Verið velkomin í Eyjafjörðinn.