Keli og Rúna eru gestgjafar á Langaholti en staðurinn er byggður á þeirra gildum, heimilislegt, persónulegt og notalegt. Keli er fæddur hér og uppalinn en hann tók við stjórn fyrirtækisins árið 2006 þegar foreldrar hans luku störfum við fjölskyldufyrirtækið. Við tökum stolt á móti ykkur með þægilegum herbergjum, frábærum veitingastað og vinalegu andrúmslofti, umvafin fallegri náttúru.

Hótel Langaholt er fjölskyldurekið hótel á sunnanverðu Snæfellsnesi. Við seljum ógleymanlega upplifun í formi notalegrar gistingar, einstaklega góðs matar og persónulegar þjónustu í þægilegu og heimilislegu andrúmslofti, umvafið stórbrotinni náttúru Snæfellsness. Langaholt er einstaklega vel staðsett til skoðunar á Snæfellsnesi en frá hótelinu er útsýni að Snæfellsjökli, fjöllum og hafi. Kringum hótelið er 9 holu golfvöllur sem vinsælt er að spila á, bæði fyrir vana og óvana. Eins er stutt ganga niður á fjöru, fyrir þá sem vilja njóta náttúrunnar. Langaholt Restaurant & Bar, er aðaláhersla lögð á ferskar afurðir úr nærumhverfi, bæði úr sjó og landi. Veitingastaðurinn er opinn öllum, bæði í hádeginu og á kvöldin. Þar bjóðum við uppá morgunverð sem borin er fram alla daga og er innifalinn í gistiverði. Morgunverðarhlaðborðið býður upp á gott úrval af heimagerðu brauði, sultu og álegg, ásamt hefðbundu morgunkorni og ávöxtum sem dæmi. Hótel Langaholt býður upp á 37 svefnherbergi, þar sem gestir geta valið á milli einstaklings herbergja, tveggja manna herbergja og þriggja manna herbergja. Svefnherbergin eru með einföldum innréttingum og öll með sér baðherbergi með sturtu. Börn eru velkomin og hægt að óska eftir barnarúmi án endurgjalds fyrir 0-2 ára börn. Basic herbergi geta ýmist verið bókuð fyrir 1 eða 2 einstaklinga. Basic herbergin snúa í átt að bílastæði hótelsins en handan þess er fjallaútsýn. Standard herbergi er hægt að bóka fyrir 1, 2 eða 3 einstaklinga. Herbergin hafa ýmist útsýni að Snæfellsjökli og/eða hafi. Comfort herbergi geta verið bókuð fyrir 2 einstaklinga (eða 1 einstakling á 2ja manna herbergjaverði). Herbergin eru með útgengt út á svalir eða verönd. Þá er útsýni að Snæfellsjökli og hafi, eða fjallaútsýn úr herbergjunum. Comfort XL herbergi geta verið bókuð fyrir 2 einstaklinga (eða 1 einstakling á 2ja manna herbergaverði). Útgengt er út á svalir/verönd. Herbergin eru með stórbrotnu útsýni að Snæfellsjökli, fjöllum og hafi.

Snæfellsnes er 90 km langt og 10-27 km breitt. Í miðju nesins er fjallgarður og stórkostlegur jökull ynnst. Við jökulinn Snæfellsjökul er þjóðgarður með náttúruperlur eins og Lóndranga, Djúpalónssand og Vatnshelli. Beggja vegna fjallgarðanna finnur þú vingjarnlega bæi og þorp, fjölmargar fuglategundir, strendur úr sandi og möl. Langaholt er staðsett á sunnanverðu nesinu, umvafið fallegri náttúru og með útsýni yfir Snæfellsjökul, fjallgarðinn og hafið.