Gistiheimilið býður uppá 2 - 4 manna herbergi og einnig 10 manna hostel herbergi við bjóðum uppá gott eldhús til kl 22:00 þar sem gestir okkar getað eldað sjálfir en klukkan 22:00 slökknar á eldavél. Kaffi og te er í boði á staðnum. Við erum staðsett við aðalgötu bæjarins Ólafsbraut 55. Bílastæði fyrir gistiheimilið er sjávarmegin og þar er einnig inngangurinn á annari hæð. Útsýni yfir hafið er ótrúlega fallegt og á björtum degi getum við horft yfir á Vestfirði. Öll þjónusta er í göngufæri frá gistiheimilinu s.s upplýsingamiðstöð,veitingastaðir, verslun, apótek, sundlaug og fl. Ekki er hægt að nota eldavél, þvottavél og þurkkara frá klukkan 22:00 á kvöldin til 8:00 á morgnana.

Ég og konan mín, sem er frá Snæfellsnesi rekum gistiheimilið ásamt starfsfólki okkar. Á sumrin er starfsmaður við frá 7.30 að morgni til klukkan 21.30 að kvöldi. Við viljum gera allt sem við getum til að gera dvöl þína sem ánægjulegasta.

Sjoppan er við hliðina á gistihúsinu með hamborgara, pítsur, pylsur, steiktan fisk og fleira. Flottasti veitingastaðurinn á svæðinu er svo Sker sem er 300 metra frá gistihúsinu. Ólafsvík býður uppá margar fallegar og skemmtilegar gönguleiðir í kringum bæinn og upp á fjöll, það er líka gaman að ganga um bæinn fara á bryggjurnar og svo mjög aðgengilegt að ganga upp að Bæjarfossinum. Á sumrin er hægt að fara í hvalaskoðun frá Ólafsvík. Við erum sérstaklega vel staðsett, til að skoða Snæfellsnesið, það er mjög stutt að fara í Þjóðgarðinn Snæfellsjökul þar sem fegurðin er engu lík og mjög margt og mikið hægt að skoða. Einnig er mjög stutt að keyra að Kirkjufelli.